Serbia ka tërhequr disa nga trupat e saj nga kufiri i Kosovës pas paralajmërimeve të SHBA-së se mund të përballet me masa ndëshkuese për atë që Shtëpia e Bardhë e quajti një grumbullim “të paprecedentë” të trupave dhe armatimit serb.
Mediumi britanik “The Guardian” shkruan se presidenti serb, Aleksandar Vuçiq njoftoi se kishte urdhëruar tërheqjen e trupave. Në një deklaratë për Financial Times, ai tha se çdo veprim ushtarak do të ishte kundërproduktiv, duke shtuar: “Serbia nuk dëshiron luftë”.
“The Guradian” raporton se një zyrtar i qeverisë kosovare konfirmoi një tërheqje të pjesshme serbe të shtunën, me largimin e trupave dhe pajisjeve që ishin zhvendosur në pozicionet përreth kufirit në pesë ditët e fundit, duke lënë pas një forcë ende të konsiderueshme që është e vendosur përgjithmonë në zonë.
Tutje mediumi britanik shkruan se tërheqja pasoi pas një deklarate publike nga Shtëpia e Bardhë e cila shprehi shqetësimin e saj, si dhe pati një thirrje të ashpër drejtuar Vuçiqit nga sekretari amerikan i shtetit, Antony Blinken dhe pëforcimin e forcës paqeruajtëse të NATO-s në Kosovë (KFOR), me qindra trupa britanike.
Në bisedën e tij me Vuçiqin, Blinken bëri thirrje për “deeskalim të menjëhershëm” dhe një kthim në marrëveshjen e tij të mëparshme për normalizimin e marrëdhënieve me Kosovën.
Të shtunën në mbrëmje, ambasadori i Gjermanisë në SHBA, Andreas Michaelis, e përshkroi situatën si “një tjetër fuçi baruti në Evropë” dhe një rrezik që duhet marrë seriozisht.
Michaelis tha se kishte pasur “bashkëpunim shumë të ngushtë midis Gjermanisë dhe SHBA-së në ditët dhe orët e fundit”, i cili kishte qenë “absolutisht çelësi për të shmangur përshkallëzimin e mëtejshëm”.
“Serbia duhet të veprojë tani,” tha Michaelis.
Vendosja e trupave ushtarake serbe në kufirin me Kosovën, erdhi një javë pas sulmit terrorist që ndodhi në Banjskë të Zveçanit, ku u vra një pjesëtar i Policisë së Kosovës.
Gjithashtu të vrarë mbeten edhe tre sulmues nga grupi i armatosur serb.
Ky grup drejtohej nga Milan Radoiçiq, i cili njëherit është edhe nënkryetar i Listës Serbe. Përmes një avokati, Radoiçiq tha se ai ishte përgjegjës për shkëmbimin e zjarrit me policinë kosovare.
“Po i njoftoj të gjithë persekutorët vigjilentë të popullit serb, prej Kurtit e te ndihmësit e tij të shumtë të huaj, se unë personalisht i kam bërë të gjitha përgatitjet logjistike për mbrojtjen e popullit tonë kundër pushtuesit dhe ky akt i imi nuk ka asnjë karakter apo qëllim tjetër, dhe nuk ka të bëjë fare me të kaluarën time”, ka thënë ai, duke iu referuar kryeministrit të Kosovës, Albin Kurti. /Telegrafi/
Lufta Prigozhin - Putin
Më shumëNumërohen mbi 90 për qind e votave, këto janë rezultatet dhe numri i deputetëve të partive në Kuvend
Këto pritet të jenë ulëset e partive në Kuvend për katër vitet e ardhshme
"Lidhjet me Serbinë" dhe informata nga Qeveria e Kosovës, çka deshi të thotë Escobar pas pretendimeve se është i implikuar?
Ahmeti: OBRM-PDUKM-ja e ka ndihmuar VLEN-in, ne kemi siguruar 19 mandate
Kasami: Prej nesër mund ta shpallim koalicionin me OBRM-PDUKM-në, VLEN është fitues absolut te shqiptarët
Garë e ngushtë për deputet në Zonën Zgjedhore 6 mes Frontit Evropian dhe VLEN-it
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?