Një sulmues amerikan do të jetë transferimi i parë i Amorim te Man Utd

Ka disa ditë që Ruben Amorim ka marrë drejtimin e Manchester United dhe shumë ndryshime priten në klubin e madh anglez.

Trajneri portugez synon që të përforcojë skuadrën në janar, pasi qëllimi është të dërgoj Djajtë e Kuq në garat evropiane për sezonin e ri.

E transferimi i parë në epokën e Amorim te Manchester United pritet të jetë sulmuesi amerikan Mark Tillman i cili po shkëlqen me PSV Eindhoven.

Sky Sports ka raportuar se Amorim e pëlqen shumë anësorin amerikan dhe ka kërkuar nga drejtuesit e klubit transferimin e tij në Old Traford.

22-vjeçari ka shënuar tetë gola dhe ka asistuar në katër të tjerë në 18 ndeshje, derisa transferimi i tij pritet t’i kushtojë Unitedit mbi 40 milionë euro.

Interesim për anësorin ameirkan kanë shprehur edhe Tottenham Hotspur dhe Aston Villa, por Man Utd janë favoriti kryesor.

Tillman iu bashkua PSV nga Bayern Munich për 12 milionë euro dhe bavarezët kanë një klauzolë ku mund ta rikthejnë atë në Allianz Arena, mirëpo nuk do ta aktivizojnë atë dhe reprezentuesi amerikan pritet të transferohet në Old Traford. /Telegrafi/