Një politikan italian ka përfunduar me kokë nëpër një dritare të çmuar prej xhami të vitit 1932, pasi humbi ekuilibrin në shkallët e një ndërtese qeveritare në Romë.
Pamjet filmike tregojnë momentin dramatik kur Emanuele Cani, këshilltar rajonal për Industrinë, humb ekuilibrin në Pallatin Piacentini Vaccaro, përcjell Telegrafi.
Dritarja e famshme u thye në disa pjesë, ndërsa stafi i ministrisë i erdhi menjëherë në ndihmë politikanit, i cili fatmirësisht mori vetëm lëndime të lehta.
- YouTube www.youtube.com
Cani shprehu keqardhje të thellë për dëmtimin e veprës historike dhe siguroi publikun se gjendja e tij ishte e qëndrueshme.
Dritarja monumentale, që zbukuron shkallën kryesore të godinës, konsiderohet një nga veprat më të rëndësishme të artit italian të shekullit XX. /Telegrafi/
