Brendi francez i orëve, Baltic, ka prezantuar modelin Aquascaphe MK2, një përmirësim elegant i modelit me të cilin kjo kompani tërhoqi për herë të parë vëmendjen e publikut.
I themeluar në vitin 2017, Baltic është bërë një nga emrat më interesantë në valën e re të brendeve të përballueshme, duke fituar fansa falë orëve të saj të frymëzuara nga stili vintage.
Aquascaphe MK2 përmirëson orën më të shitur të zhytjes së brendit, duke ofruar dy madhësi të kutisë: një version 37 mm me përmasa retro dhe një model 39.5 mm që mund t’i përshtatet më shumë shijes moderne.
Të dy modelet janë të punuara nga çelik 316L, janë rezistente ndaj ujit deri në 200 metra dhe kanë mbrojtje për kurorën për siguri shtesë.
Me numrat e saj të shkëlqyeshëm, safiri dhe përmasat klasike, Aquascaphe MK2 përdor të njëjtën “formulë” që ka bërë që orë si Rolex Submariner të bëhen standard në botën e orëve të zhytjes — por me një çmim dukshëm më të përballueshëm.
Numrat e orës vijnë në katër ngjyra, me tregues tredimensionalë të bërë nga Super-LumiNova BGW9, që zëvendësojnë renditjen “sanduiç” të modelit origjinal. Përmirësime të tjera përfshijnë xham safiri të përthyer dyfish me shtresë antireflektuese dhe akrepa të përmirësuar.
Modeli kushton 630 euro me rrip gome, përkatësisht 695 euro me byzylyk çeliku. Porositë nisin më 25 shtator, ndërsa dërgesat fillojnë më 6 tetor. /Telegrafi/
