Kompania holandeze Ballinno ka paditur UEFA-n dhe prodhuesin e teknologjisë Kinexon për përdorimin e paautorizuar të teknologjisë për pozitë jashtë loje të përdorur nga VAR, dhe gjykata e vetme e patentave do ta shqyrtojë çështjen të hënën.
Ballinno gjithashtu u përpoq të sfidonte përdorimin e teknologjisë jashtë loje për Kupën e Botës 2022 në Katar, por nuk pati sukses.
Të dy palët nuk arritën të gjenin një marrëveshje për Euro 2024 në Gjermani, ndaj kompania e lartpërmendur paditi shtëpinë e futbollit evropian.
Nëse Ballinno fiton gjyqin, teknologjia gjysmë-automatike për pozitë jashtë loje nuk do të përdoret në Kampionatin Evropian të Gjermanisë.
Meqë ra fjala, sistemi i përmendur me sensor në topin e futbollit është shpikur në vitin 2007 nga Peter Borst, dhe për rrjedhojë, federatat e futbollit kanë nevojë për lejen e tij për të përdorur sistemin.
“Ne kontaktuam menjëherë Kinexon, prodhuesin e teknologjisë që punon me UEFA-n dhe në disa raste u përpoqëm ta zgjidhim problemin në mënyrë miqësore, por ata nuk donin të bashkëpunonin”.
"Ndoshta ata menduan se ne ishim shumë të vegjël për të guxuar të padisim UEFA-n, por ne jemi krenarë për shpikjen tonë dhe nuk do të qëndrojmë duarkryq ndërkohë që të tjerët e përdorin atë pa lejen tonë. Procesi gjyqësor është i vetmi opsion për të mbrojtur shpikjen tonë nga përdorimi i paautorizuar", deklaroi pronari i Ballinno, Borst për mediat holandeze./Telegrafi/
