Një iPhone pa korniza në ekran, mund të lansohet këtë vit

Janë përfolur spekulime që përmendin mundësinë e një iPhone të ri pa korniza, tashmë për disa vjet.

Fatkeqësisht, nevoja për sensorë të njohjes së fytyrës ka detyruar kompanitë të përfshijnë korniza që dalin pothuajse në çdo ekran.

Ne kemi parë kamerat pop-up si një alternative për këto korniza, por më në fund mund të marrim një iPhone të ri pa korniza, pa vrimë për kamerën selfie dhe kthimin e një veçorie që ka humbur që nga ardhja e iPhone X.

Raportet e mëparshme kanë përmendur mundësinë e rikthimit të iPhone Touch-ID.

Këtë herë, sensorët e gjurmëve të gishtërinjve do të hyjnë brenda ekranit, ose të paktën kjo është ajo që sugjeron analisti Ming-Chi Kuo.

Kuo beson se mund të marrim një iPhone me Face ID dhe Touch ID, por sipas parashikimeve të tij, do të na duhej të prisnim deri në vitin 2021.

Një raport nga Bloomberg thoshte se mund t’i shohim këto karakteristika këtë vit, në variantin më të lartë të iPhone 12, dhe tani, një burim tjetër mund të forcojë një pjesë të kësaj thashetheme.

LetsGoDigital thotë se Apple dëshiron të krijojë një ekran të plotë me një aparat fotografik TrueDepth nën ekran.

Një iPhone i ri do të kishte gjithashtu një skanues të gjurmëve të gishtërinjve në ekran, por pa Face ID.

Teknologjia për ta bërë këtë të mundshme është në dispozicion, por nuk do të jetë e mundur të përdoret nëse nuk përputhet me standardet e Apple. /Telegrafi/