Një garë mes Challenger Black Ghost dhe Mustang GT-500 tregon se fuqia nuk do të thotë gjithçka

Garat drag janë arsyeja se për çfarë janë prodhuar veturat “muskuloze” amerikane, dhe kur ato futen në këso gara, ato kanë një performancë perfekte.

Por çfarë ndodhë kur ju i futni në garë dy nga emrat më të njohur të kësaj industrie?

Këtë deshën ta zbulojnë tek Edmunds, dhe për këtë arsye ata organizuan një garë mes Dodge Challenger Black Ghost 2023 dhe Ford Mustang Shelby GT500 2020, duke filmuar çdo gjë rreth garës dhe videon e shpërndanë në YouTube.

Sa u përket shifrave, Challenger-i i vetëm me ngjyrë të zezë – i cili është pjesë e një edicioni special prej vetëm 300 njësive – fuqizohet nga motori i famshëm V8 6.2 litërsh i Dodge, i cili veturës i jap 807 kuaj fuqi dhe 958 njuton metër fuqi rrotulluese, duke dërguar të gjithë fuqinë tek rrotat e pasme përmes një transmisioni automatik me 8 shpejtësi, dhe vlen të ceket se Black Ghost ka një peshë prej 2,030 kilogramëve, shkruan Motor 1, transmeton Telegrafi.

Në anën tjetër ndodhet Mustang Shelby GT500 2020 i cili fuqizohet nga një motor më i vogël V8 5.2 litërsh, që kësaj veture i jep 760 kuaj fuqi dhe 847 njuton metër fuqi rrotulluese, teksa e gjitha kjo fuqi shkon gjithashtu tek rrotat e pasme përmes një transmisioni automatik me 7 shpejtësi, ndersa pesha e saj është vetëm 1,890 kilogram.

Duke i parë këto shifra, duket se Dodge është fituesi i sigurt, por siç ndonjëherë qëndron çështja tek garat drag, fuqia nuk është gjithçka.

Me fjalë të tjera, shpejtësia maksimale, fuqia e frenimit, e edhe një pjesë e manovrimit ishin përfshirë në këtë test.

Vlen të ceket se pas xhiros së parë, shoferët ndërruan veturat, dhe garuan përsëri, vetëm për t’u siguruar se çdo gjë do ishte e rregullt.

Në fund, ajo që vlen të tregohet se Mustang-u, me motorin e saj V8 më të vogël dhe më pak të fuqishëm, shpejtësinë prej 0 deri në 100kMh e arriti në 3.8 sekonda, përderisa Challenger Black Ghost, shpejtësinë e njëjtë e arriti për 1 sekondë më shumë, ose ndryshe në 4.8 sekonda.

Ndryshe kjo garë nuk ishte një “drag” i zakonshëm, por ishte një garë “U-Drag”, që do të thotë se garuesve u duhej që të bënin një kthim në formën e shkronjës “U”. /Telegrafi/