Një anije mallrash rumune goditi një minë në Detin e Zi, po fundoset

Agjencia rumune e Shpëtimit Detar (MRCC) ka njoftuar se ka shpëtuar të gjithë anëtarët e ekuipazhit nga një anije që shpërtheu pasi goditi një minë detare në Detin e Zi.

MRCC tha se shpëtoi të 12 anëtarët e ekuipazhit të Seama, që lundron nën flamurin e kombit afrikan të Togos.

Të gjithë u transportuan për trajtim në portin e Sulia, i cili ndodhet në afërsi të Ukrainës, transmeton Telegrafi.

Shpërthimi ndodhi rreth 40 kilometra nga bregu. Fleetmon, një shërbim për gjurmimin e anijeve, tha se ekuipazhi i anijes dërgoi një sinjal rreth orës 06:50 të mërkurën në mëngjes.

Sipas fotove që disponon Fleetmon, anija nuk është fundosur ende. Megjithatë, uji depërton në byk, gjë që ndoshta do të çojë në fundosjen e saj.

Anija Seama duhej të nisej më 12 shtator nga një prej porteve turke. Stacioni i destinacionit supozohej të ishte porti ukrainas i Izmailit, nga i cili eksportohet drithëra dhe produkte të tjera ukrainase dhe që shumë shpesh bëhet cak i granatimeve ruse.

Në javët e kaluara, rrënojat e tre dronëve rusë u ranë në territorin rumun, me shumë gjasa drejt portit ukrainas të Izmail. /Telegrafi/

The Romanian Agency for Saving Human Life at Sea : cargo ship #SEAMA,Togo flag & 12 crew,requested evacuation from the board.The crew was picked up and safely handed over to the ambulance in Sulina Port at 08:25.
No one is hurt. #Romania#Sulina#explosion pic.twitter.com/oOZsBaLthe

— Radu Tudor (@RaduTudor1970) September 20, 2023