Nio lanson SUV-in elektrik me autonomi prej 500 kilometrash (Foto)

Vetëm se ky EV me mbi 500 kuaj fuqi, mund të shitet vetëm në tregun kinez

Kundërpërgjigjja  e Kinës për prodhuesit e makinave elektrike, Nio njihet mirë për modelin EP9 që prodhon 1,342 kuaj fuqi, që ka arritur xhiron më të shpejtë të EV në Nurburgring të Gjermanisë, transmeton Telegrafi.

Tani kompania kinez e ka lansuar ES6, që është një SUV i madhësisë së mesme, i fuqishëm dhe shumë i aftë të konkurrojë në treg.

Versioni Performance i ka dy motorë që së bashku prodhojnë 536 kuaj fuqi, ndërsa dërgojnë shpejtësinë në të gjitha rrotat. Mirëpo, ofrohen edhe versione më të lehta që prodhojnë 322 dhe 215 kuaj fuqi.

Po që se kërkohen makinat më të lehta, mund të vozitet me shpejtësi të zakonshme, teksa versioni kryesor mundëson rritjen e shpejtësisë dhe tejkalimin.

Sipas Nio, modeli ES6 është i pari të cilit i janë vënë motorët Im dhe PM, që janë shumë më ekonomik, teksa ofrojnë efikasitet dhe shpejtësi të konsiderueshme.

Me këtë sistem, ky SUV shpejtësinë prej zero deri në 100 kilometra në orë, mund ta arrijë për 4.7 sekonda, ndërsa lëvizë me shpejtësi maksimale prej 200 kilometrave në orë. Bateria prej 84 kWH, ofron autonomi prej 500 kilometrash.

Ky SUV që lansohet në qershor, me çmim fillestar prej 50 mijë eurove, do të jetë fillimisht vetëm prej tregun kinez, ndërsa nuk dihet nëse shpërndahet edhe nëpër shtetet tjera. /Telegrafi/