​Nigeri, fyen Allahun, 13-vjeçari dënohet me dhjetë vjet burg

Organizata ndërkombëtare për mbrojtjen e të drejtave të fëmijëve UNICEF kritikoi vendimin e Gjykatës nigeriane të Sheriatit sipas të cilit një 13-vjeçar u dënua me dhjetë vjet burg për blasfemi.

Një gjykatë e Sheriatit në shtetin Kano në Nigerinë veriperëndimore dënoi Omar Farouq më 10 gusht, pasi ai u akuzua për përdorimin e fjalëve të shëmtuara për Allahun gjatë një debati me një mik.

“Dënimi i shqiptuar 13-vjeçarit Farouqu shkel Kartën Afrikane për të Drejtat e Fëmijëve dhe vetë kushtetutën nigeriane”, tha Kola Alapinni, avokati i djalit.

Duke pasur parasysh faktin se Farouq ka hyrë në pubertet, sipas ligjit islamik, ai merr përgjegjësi të plotë për veprën e tij, dhe y gjykua si një i rritur.

Alapinni tha për CNN se autoritetet shtetërore nuk i lejuan djaloshit qasje tek ai ose avokatë të tjerë dhe se ai mësoi për gjyqin e tij krejt rastësisht kur po punonte për një rast tjetër të akuzave për blasfemi.

“Ne mësuam se në të njëjtën gjykatë ai u dënua nga i njëjti gjykatës për blasfemi, kështu që ne menjëherë filluam një apel. Ligji nigerian nuk e njeh krimin e blasfemisë, nuk është në përputhje me kushtetutën,” tha Alapinni.

Avokati shtoi se nëna e djalit u largua nga qyteti pasi një masë njerëzish filluan të hynin në shtëpinë e saj të zemëruar për shkak të blasfemisë.

“Të gjithë këtu kanë frikë të flasin dhe jetojnë me frikën e hakmarrjes,” shtoi ai.

UNICEF lëshoi një deklaratë dje duke shprehur “shqetësim të thellë” mbi dënimin.

“Dënimi i 13-vjeçarit Omar Farouq, me 10 vjet burg është i gabuar. Ai mohon të gjitha parimet themelore të të drejtave të fëmijëve të nënshkruar nga Nigeria dhe kështu shteti i Kano,” tha Peter Hawkins, përfaqësuesi i UNICEF-it në Nigeri.

Shteti federal Kano, si shumica e shteteve kryesisht myslimane në Nigeri, zbaton ligjin e Sheriatit përveç ligjit sekular.