Nga ylli i futbollit në ushtar: Malouda “nënshkruan” për Legjionin e Huaj legjendar francez

Florent Malouda, ish-futbollisti i cili ishte luajti edhe me Francën dhe fitoi Ligën e Kampionëve në vitin 2012 me Chelsean, i është bashkuar Legjionit të të Huajve në moshën 44-vjeçare.

Ish-lojtari i Chateauroux, Guingamp, Olympique Lyon, Chelsea, Trabzonspor, Metz, Delhi Dynamos, Ëadi Degla dhe FC Differdange 03 i është bashkuar rezervës qytetare të Regjimentit të Tretë të Këmbësorisë së Huaj.

Regjimenti cili është i vendosur në Kourou dhe i specializuar në luftime në xhunglën ekuatoriale, u krijua në vitin 1920 dhe është regjimenti më i dekoruar i Legjionit të Huaj të ushtrisë franceze.

“3REI mirëpret Florent Malouda në rezervën qytetare, si oficer. Pas një karriere të jashtëzakonshme në futbollin ndërkombëtar, ai dëshiron të ndajë dhe të transmetojë vlerat e angazhimit për të rinjtë Guyanez së bashku me legjionarët e REI 3”, shkroi ushtria.

Florent Malouda, i cili është një vendas nga Guiana Franceze (territor francez përtej detit) dhe luajti 80 herë për Francën, hyri në Qendrën e Trajnimit të Pyjeve Ekuatoriale për t’iu nënshtruar kursit të Regjimentit të Tretë të Këmbësorisë së Huaj, në të cilin u testuan fizikisht dhe mendërisht në kushte ekstreme.

“Ndërsa kaloja përmes Amazonës në territorin tim të lindjes, arrita të ndiqja një kurs inicimi me Regjimentin e Tretë të Këmbësorisë së Huaj. Faleminderit 3e REI për këtë moment kohezioni dhe për këto vlera të shpirtit të ekipit përballë vështirësive. Janë vlera thelbësore në sportin e nivelit të lartë”, ka publikuar ish-futbollisti në llogarinë e tij në Instagram, duke publikuar imazhe të stërvitjes së tij ushtarake në Legjionin e të Huajve.

Në fund nuk ka munguar një falënderim për Forcave e Armatosura.

“Është një nder të marrësh një medalje nga gjenerali Le Bouil. Faleminderit Forcave të Armatosura të Guajanës për angazhimin tuaj ndaj veprimeve që synojnë rininë e Guajanës. Legio patria nostra!”, shkroi ai. /Telegrafi/