Newcastle futet në garë për Zaniolon, gati të nisë një ofertë në drejtim të Romës

Nicolo Zaniolo mund të largohet nga Roma qysh në afatin kalimtar të janarit.

Sulmuesi italian ende është në bisedime për vazhdimin e kontratës me Romën, por ende palët nuk kanë gjetur marrëveshje.

Atletico Madrid, Borussia Dortmund, Tottenham Hotspur dhe Juventus janë skuadrat që kanë shprehur interesim për transferimin e italianit.

Por së fundmi garës i është bashkuar edhe skuadra tjetër angleze Newcastle United, që po përgatitë një ofertë të lartë për Zaniolon.

‘Laraskat’ duket se kanë humbur mundësinë për ta transferuar Memphis Depayn dhe Zaniolo shihet si alternativë b.

Calciomercato ka raportuar se Newcastle është duke përgatitur një ofertë prej më shumë se 40 milionë euro për ta bindur Romën të heqë dorë nga ylli i tyre.

Gjithashtu një kontratë për lojtarin prej më shumë se katër milionë eurove në sezon do të ishte e mjaftueshme për tu bindur Zaniolo të transferohet në Angli.

Kontrata aktuale e Zaniolos me Romën skadon në verën e vitit 2024, derisa ende mungon marrëveshja për vazhdimin e saj. /Telegrafi/