Nesër mbahet Hackathoni më i madh për fëmijë në Kosovë (Foto/Video)

Çdo ditë e më shumë teknologjia po zhvillohet dhe fëmijët po bëhen më të varur nga ajo. Fatkeqësisht, koha që po kalojnë ata pranë ekraneve nuk është e shëndetshme, sepse gjithë kohës janë në rolin e pranuesit të informacioneve e asnjëherë në rolin e krijuesve.

Kalimin e fëmijëve nga konsumatorë të teknologjisë në krijues të teknologjisë, e ka realizuar Akademia jCoders. Fëmijët që janë pjesë e kësaj akademie tashmë e shohin teknologjinë si vegël për ta shprehur kreativitetin dhe për të zhvilluar produkte të imagjinatës së tyre.

Këtë kreativitet, fëmijët e moshës 8-15-vjeçare do ta shprehin nesër në Maratonën njëditore të Programimit – Hackathon – të organizuar nga Akademia jCoders.

Brenda ditës këta fëmijë do të krijojnë projekte të ndryshme, duke përdorë gjuhën programuese Scratch dhe duke gërshetuar aspekte të ndryshme nga elektronika dhe robotika. Këto projekte janë përzgjedhura dhe konceptuara nga vet fëmijët.

Për më shume rreth kësaj dite, ju ftojmë të na ndiqni në Facebook, KËTU. www.facebook.com/jcodersEdu

Akademia jCoders do të sigurohet që gjatë ditës të ketë informata të detajuara mbi eksperiencën e këtyre programerëve të rinj.