Nëse shpesh ju vërshojnë djersët, vraponi te mjeku: Nëse janë të ftohta, patjetër verifikoni sheqerin

Me djersitjen e tepërt trupi na dërgon shenja që diçka nuk është në rregull

Te femrat, në rastin më të mirë, shfaqet menopauza, mirëpo mundet edhe të lajmërojë çrregullime serioze shëndetësore, transmeton Telegrafi.

Shkaktarët më të shpeshtë të djersitjes dhe kur duhet të shkoni te mjeku:

Jeni nën stres

Ky ndoshta është shkaku më i shpeshtë i djersitjes së tepërt. Djersitja emocionale lind si përgjigje ndaj stimuluesve siç janë frika, stresi, dhembja, ankthi…

Edhe pse mund të shfaqet në gjithë trupin, më e dukshme është në shuplakë, shputa, nënsqetulla dhe në kokë.

Në fazën e hershme të menopauzës, perimenopauzës, ndërron niveli i hormoneve, menstruacionet bëhen të parregullta dhe shfaqen simptomat e para përcjellëse në formë të nxehtësisë së natës apo valëve të papritura të nxehtësisë e cila nxit djersitje të ftohtë.

Kjo ndodh, në rend të parë, për shkak të zvogëlimit gradual të nivelit të estrogjenit dhe pushimit të tajitjes së progesteronit.

Në menopauzë ose kur menstruacionet ndërpriten së paku 12 muaj me radhë, më së shpeshti midis moshës 50 dhe 51 vjeç, valët e nxehtësisë shtohen. Shfaqen edhe gjatë ditës, por djersitja e madhe bëhet gjithnjë e më e pakëndshme.

Keni hipertireozë

Nëse nuk jeni afër menopauzës, ndërkaq keni vërejtur që gjithnjë e më dobët po e përballoni nxehtësinë, përkatësisht që juve gjithnjë e më shpesh ju vërshojnë djersët e nxehta, është koha që ta kontrolloni gjëndrën tiroide.

Lloji i tillë i djersitjes, i shoqëruar me nervozë dhe me humbje të kilogramëve, me rrahje të zemrës apo me kërcimin e zemrës dhe me rënie të flokëve, mund të jetë shenjë e hipertireozës.

Edhe një lloj i ngjashëm i djersitjes tepër të ftohtë të cilën e shoqërojnë rrëqethjet dhe rrahja e zemrës, nëse shpesh shfaqen dhe nëse keni tepricë kilogramësh, mund të tregojë në të ashtuquajturën hipoglikemi reaktive.

Rënia e shpeshtë e sheqerit në gjak është fillim i diabetit të tipit 2, ndërsa e shkakton niveli i lartë i insulinës, karakteristik për personat me peshë të madhe trupore.

Kontrollojeni sheqerin në gjak

Djersitja e ftohtë mund t’ju vërshojë edhe kur ju bie sheqeri. Kjo gjendje është e njohur si hipoglikemi, kur vlera e sheqerit në gjak bie nën vlerat e caktuara, që përmban 3,0 mmol/l. Kryesisht nuk është rrezik, mirëpo ndonjëherë mund të jetë shenjë diabeti. /Telegrafi/