“Nëse nuk merr pjesë Rusia në Kupën e Botës, nuk do të ketë Kupë të Botës” – paralajmërimi i Putinit është i rremë

Një postim që është bërë viral në mediat sociale që thotë se presidenti rus Vladimir Putin ka paralajmëruar se nuk do të ketë Botëror pa Rusinë është i rremë.

Në postim shkruhej: “Rusia do të luajë në Kupën e Botës FIFA 2022 në Katar ose nuk do të ketë Kupë Botërore”.

Pesacheck ka vërtetuar se postimi, burimi i të cilit është ende misterioz, është i rremë dhe mashtrues, raporton Daily Star.

Lexo po ashtu Federata ruse kundërshton vendimet e FIFA-s dhe UEFA-s

E vërteta e çështjes është se Rusia është përjashtuar nga Kupa e Botës 2022. I vetmi hap që Rusia ka ndërmarrë kundër ndalimit është apelimi në Gjykatën e Arbitrazhit Sportiv (CAS).

Gjithashtu, deri në kohën e publikimit të këtij Factcheck, Presidenti Putin nuk kishte komentuar ende për përjashtimin e tyre nga Kupa e Botës.

Rusia do të përballej me Poloninë më 24 mars në një play-off të Kupës së Botës, por përjashtimi i tyre do të thotë se ndeshja nuk do të ndodhë.

Lexo po ashtu Zyrtare: FIFA dhe UEFA suspendojnë Rusinë në të gjitha kompeticionet

Polonia kishte thënë gjithashtu se nuk do të luante me Rusinë në një përpjekje për të treguar protestë kundër pushtimit rus të Ukrainës.

Putin ka bastisur Ukrainën për gati dy javë tashmë, një veprim që ka shkaktuar humbje jetësh dhe pronash.

Bota është përgjigjur duke vendosur sanksione masive, duke përfshirë edhe mohimin e atyre mundësinë për të marrë pjesë në garat ndërkombëtare si Kupa e Botës.

Lexo po ashtu “Kishim një ëndërr, tani e humbëm”, trajneri i Rusisë mesazh FIFA-s dhe UEFA-s

Putin, të premten, në përgjithësi bëri thirrje për t’i dhënë fund sanksioneve duke thënë se ata nuk kanë qëllime të këqija kundër Ukrainës.

Ai tha se sanksionet do ta përkeqësojnë situatën në vend që ta zgjidhin atë.

“Ne nuk kemi qëllime të këqija kundër fqinjëve tanë. Nuk ka nevojë që të ndërmarrin veprime të mëtejshme që do t’i “përkeqësojnë marrëdhëniet tona” deklaroi ai, cituar nga BBC.

Lexo po ashtu Pushtimi rus i Ukrainës: Si është ndikuar futbolli evropian nga konflikti ushtarak

Ai shtoi: “Unë mendoj se të gjithë duhet të mendojnë se si të normalizohen marrëdhëniet, të bashkëpunojnë normalisht dhe të zhvillohen normalisht marrëdhëniet”.

Në këtë situatë të tensionuar, shumë media të paverifikuar po shpërndajnë lajme të rreme, duke e bërë situatën edhe më të rëndë – por që ato gjithmonë do të verifikohen dhe këto llogari dita e ditës janë duke u mbyllur. /Telegrafi/