Nëna e 17-vjeçarit me autizëm që u keqtrajtua në Demir Hisar: Mezi rrinte në këmbë, ishte i mbidozuar nga ilaçet

“Mezi rrinte në këmbë, i mbidozuar nga ilaçet, nuk munda as të njoh fëmijën tim”, thotë për “A1on” nëna e 17 vjeçarit Anes Abdulovski nga Manastiri i diagnostikuar me autizëm, i cili për shkak të nervozizmit dhe agresionit të cilin e ka treguar në pubertet është vendosur në spitalin psikiatrik në Demir Hisar.

17-vjeçari ka vizituar shkolla dhe qendra ditore deri në momentin që ka hyrë në pubertet, e cila është periudha më e keqe për personat me autizëm në zhvillimin e këtyre fëmijëve.

Prindërit kanë kërkuar ndihmë dhe djali është vendosur në spitalin psikiatrik në Demir Hisar ku ka qëndruar për pesë javë. Gjatë kësaj përudhe e kanë takuar shumë herë, por nuk iu është lejuar të hynë brenda në dhomë, por me një përcjellje të mbajtur për disa minuta në oborr.

Lexo po ashtu Një fëmijë 17 vjeçar me autizëm i lidhur me zinxhir në spitalin psikiatrik në Demir Hisar

“Më lajmëruan se mundem për disa ditë të marr djalin në shtëpi dhe ta sjell përsëri. Spitali ka marr njoftim për vizitën nga delegacioni i Bashkimi Evropian. Por kur e morëm, çka të shohim, fëmija mezi rrinte në këmbë, mbidozë me ilaçe. Ka plagë të mëdha të çara që janë të thella dhe bëhen kur fëmija përpiqet të çlirohet. Nuk ka asnjë mënyrë që ta kthejmë fëmijën atje. Ne kërkuam që ai të qetësohej dhe të merrte terapi. Nuk mund ta njohim fëmijën tonë. Ne kemi ardhur në Manastir për të jetuar vetëm me qira për të siguruar kushte më të mira për zhvillimin e tij. Askush nuk po ndërmerr asnjë veprim apo nuk po na telefonon për fëmijën pas kësaj”, tha për “A1on” Salka Abdulovska, nëna e 17-vjeçarit Anes, përcjell Telegrafi Maqedoni.

Ministri i Shëndetësisë, Fatmir Mexhiti është pyetur për reagimin e prindit të fëmijës, ndërsa tha se djali me autizëm ka qenë i trajtuar sipas të gjitha protokolleve të dhëna nga ekspertët e psikiatrisë.

Për pyetjen e gazetarit për trajtimin e pacientit në Manastir, ai u përgjigj se kontrolli i jashtëzakonshëm ka përfunduar dhe tashmë ka raport dhe ka lëshime si në diagnostikimin ashtu edhe në trajtimin e djalit.

“Menjëherë dhashë vendim, është formuar komision ekspertësh të cilët do të jenë në terren sa më shpejt që është e mundur, në vend dhe ekspertë nga të gjitha fushat do të vendosin saktësisht se ku janë boshllëqet. Pas raportimit të tyre do të marrim masa të tjera”, theksoi ministri.