LAJMI I FUNDIT:

Në Bardh të Malishevës zbulohet lapidari i dëshmorit të kombit Afrim Krasniqi

Në Bardh të Malishevës zbulohet lapidari i dëshmorit të kombit Afrim Krasniqi

Në fshatin Bardh të Komunës së Malishevës, u bë zbulimi i lapidarit kushtuar dëshmorit të kombit Afrim Krasniqi, nga ky fshat.

Në ceremoni, morën pjesë strukturat komunale, bashkëluftëtar të dëshmorit dhe qytetarë të shumtë.

“Është kënaqësi e krenari për këtë investim që kemi bërë. Do të vazhdojmë të përkrahim vlerat kombëtare, sepse sa më shumë gjurmë e shenja për vlerat, është më mirë për të ardhmen e gjeneratave që vijnë. Urime për fshatin Bardh, bashkëluftëtarët dhe gjithë Llapushën”, ka thënë mes tjerash në fjalën e rastit, Kryetari i Komunës së Malishevës, Ekrem Kastrati.


Duke folur për dëshmorët dhe rëndësinë e  ngritjes së lapidarëve, si ky sot,  Fatmir Limaj – Çeliku, tha se, dëshmia e parë që përnjëmend e duam, e nderojmë këtë vend, janë dëshmorët e rënë për lirinë e Kosovës.

“Ngritja e shenjave dhe e vlerave si ky lapidar, është dëshmi tjetër e madhe se populli ynë i do dhe krenohet me kontributin e tyre, me luftën e lavdishme të tyre dhe në përgjithësi me të kaluarën tone historike. Nderimi që i bëjmë dëshmorëve është falënderim për lirinë, për shtetin, e për Kosovën e pavarur, që në themele të saj ka gjakun e dëshmorëve dhe gjithë atyre që kanë kontribuar për të ndër breza”, u shpreh ai.

Ndërsa, zëvendëskomandanti i FSK-së, Gjeneralmajor, Enver Cikaqi,  duke folur në këtë ceremoni, tha se “lufta e UÇK-së, është themeli i lirisë dhe shtetit, dhe një bazë e fuqishme e ushtrisë që është duke u zhvilluar çdo ditë e me shumë”.

“Ky lapidar është një shenjë që tregon se liria jonë, shteti ynë, është arritur e ndërtuar falë gjakut të dëshmorëve të kombit”, ka thënë Fatmir Shurdhaj, ish bashkëluftëtar me Afrim Krasniqin.

Në këtë ceremoni të zbulimit të lapidarit kushtuar dëshmorit të kombit, Afrim Krasniqi, biografinë e tij e ka lexuar, anëtari i Kuvendit të Komunës në Malishevë, Valon Krasniqi nga fshati Bardh.

Në trend Lajme

Më shumë
Vdes edhe vajza e dytë nga vetaksidenti në Ranillugë

Vdes edhe vajza e dytë nga vetaksidenti në Ranillugë

Kronika e Zezë
Policia tregon se si erdhi deri te aksidenti i rëndë në Ranillug ku humbën jetën dy vajza

Policia tregon se si erdhi deri te aksidenti i rëndë në Ranillug ku humbën jetën dy vajza

Kronika e Zezë
Prokuroria autorizon policinë që të nisë hetimet ndaj Sami Kurteshit

Prokuroria autorizon policinë që të nisë hetimet ndaj Sami Kurteshit

Lajme
Një 23 vjeçare humb jetën në një aksident trafiku në fshatin Domorovc të Ranillugut

Një 23 vjeçare humb jetën në një aksident trafiku në fshatin Domorovc të Ranillugut

Kronika e Zezë
​Vuçiq në intervistën me djalin e Trumpit pretendon se është i hapur për një marrëveshje me Kosovën: Duhet një zgjidhje kompromisi

​Vuçiq në intervistën me djalin e Trumpit pretendon se është i hapur për një marrëveshje me Kosovën: Duhet një zgjidhje kompromisi

Lajme

"Policë evropianë që vijnë të veshur si paramilitarë, si hajdutë, si bandita", Behrami kritikon përcjellësit e Thaçit

Lajme
Kalo në kategori