Janë publikuar disa pamje që thuhet se tregojnë momentin kur një helikopter i Ushtrisë Amerikane Black Hawk përplaset me një aeroplan pasagjerësh mbi Uashington DC.
Sipas mediave të huaja, përcjell Telegrafi, pamjet janë publikuar ndërsa hetuesit zbulojnë fjalët e fundit të ekuipazhit të dënuar.
Pamjet filmike, të kapura nga CCTV dhe të luajtura në fillim të një seance dëgjimore tre-ditore të Bordit Kombëtar të Sigurisë së Transportit (NTSB).
Dhe ato tregojnë një shkëndijë të ndritshme që ndriçon qiellin e natës mbi lumin Potomac.
Siç thuhet më tej, sekonda më parë, helikopteri ushtarak ishte përplasur me fluturimin 5342 të American Airlines ndërsa zbriste në Aeroportin Kombëtar Reagan, shkruajnë mediat e huaja, përcjell Telegrafi.
Bombardier CRJ700 kishte fluturuar nga Wichita, Kansas, më 29 janar dhe ishte vetëm pak minuta larg uljes kur u godit.
Të gjithë 67 personat në bord të dy aeroplanëve gjetën vdekjen, përfshirë 64 pasagjerë dhe ekuipazh në avion dhe tre anëtarë të ekuipazhit të helikopterit.
Kjo ngjarje thuhet se shënsoi rrëzimin më vdekjeprurës të një aeroplani të një linjeje ajrore amerikane në më shumë se dy dekada. /Telegrafi/
