Ndërhyrja e tmerrshme e De Rossit, kjo është situata e Maxi Pereiras (Foto/Video)

Porto ka njoftuar sot se mbrojtësi uruguaian Maxi Pereira , ka një lëndim të rëndë dhe do të kryhen disa analiza të mëtutjeshme, por është se sigurt se ai do të mungojë gjatë. 

Pas fitores në “Olimpico”, ndaj Romës, në “play-off”-in e Ligës së Kampioneve, Porto është kthyer në shtëpi.

Pritja në aeroport ka qenë tejet entuziaste, edhe pse për klubin në fjalë portugez ngre shumë shqetësime situata e Maxi Pereira, ‘viktimë’ e De Rossit.

Lexo po ashtu Lajmet nga Liga e Kampionëve

Ky i fundit bëri një ndërhyrje të ashpër, çka e detyroi gjyqtarin polak të ndeshjes ta nxirrte direkt me karton të kuq kapitenin verdhekuq.

Siç është raportuar nga “A Bola”, uruguaiani zbriti nga avioni dhe u largua nga aeroporti në një karrige me rrota, i shoqëruar nga dëshirat e tifozëve të pranishëm për një shërim të shpejtë.

Ai i ka befasuar të gjithë me lojën e zhvilluar, ndaj mbështetësit e Portos e konsiderojnë Maxi Pereira një luftëtar, që nuk dorëzohet kurrë.

Megjithatë, pamjet e ndërhyrjes brutale të De Rossit dhe të tij në karrigen me rrota flasin vetë… Në vlerësimin paraprak të dëmit, me shumë gjasa bëhet fjalë për një frakturë të keqe.

Lexo po ashtu De Rossi, numri dhe historia e kartonëve të kuq

Pothuajse me siguri, Maxi Pereira do të mungojë në ndeshjen kundër Sporting Lisbonë, të dielën, dhe më gjerë. Teste të tjera mjekësore janë planifikuar në vazhdim, me shpresën se dëmtimi mund të jetë më pak serioz nga sa duket.

https://www.youtube.com/watch?v=NR1Mm_Tbt38