Ndarja me Tap Management pas tetë vitesh – Dua Lipa tani do të menaxhohet nga babai i saj

Javën e kaluar, u konfirmua se artistja Dua Lipa kishte ndarë rrugët me menaxherin e vjetër Ben Mawson dhe kompaninë e menaxhimit, Tap Management.

Karriera e artistes fituese të çmimeve ‘Grammy’ është ngritur në qiell viteve të fundit, veçanërisht pas publikimit të albumit të saj “Future Nostalgia”.

Gjatë fundjavës, dolën raporte se ndarja e yllit me Tap kishte rrënjë në një mosmarrëveshje rreth të ardhurave.

Duke cituar burime të industrisë muzikore, Daily Mail raportoi se largimi i Lipës ishte lidhur me ‘të ardhurat që ajo merr nga muzika’.

Për më tepër, Daily Mail raportoi se babai i Duas, Dukagjin Lipa, tani do të marrë përsipër detyrat e menaxhimit të yllit botëror.

Lexo po ashtu Të gjitha lajmet nga Dua Lipa

Mirëpo, ka mundësi që lidhja e Dua Lipës me Tapin të mos jetë shkëputur plotësisht.

Për shkrimin e këngëve të saj, ylli është nënshkruar me divizionin e botimeve të Tap, i cili administrohet nga Universal Music Publishing.

Ndarja e 26-vjeçares me Tap pason një numër vitesh gjithnjë e më të suksesshme për artisten.

Dua fillimisht nënshkroi me firmën me bazë në Londër në vitin 2013, kur thuhet se ishte duke punuar në një bar.

The Sun raportoi në dhjetor 2021 se ajo gjeneroi të ardhura vjetore prej 22.7 milionë funtesh.

Dua Lipa aktualisht është në turneun e saj “Future Nostalgia” në Amerikën e Veriut.

Një burim i Daily Mail citohet të ketë thënë: “Tap e ka çuar atë nga një adoleshente të panjohur në artisten më të suksesshme femër në botë”. /Telegrafi/

View this post on Instagram

A post shared by DUA LIPA (@dualipa)