Nard Ndoka mbron Berishën, sulmon Thaçin: E porosit të largohet nga politika

Kreu i Demokristianëve të Shqipërisë, Nard Ndoka ka mbrojtur ish-kryeministrin shqiptar Sali Berisha, pas akuzave që ka bërë ndaj tij presidenti i Kosovës, Hashim Thaçi.

Ndoka në një postim në Facebook ka shkruar se Berisha është thjesht politikani më i dashur për shqiptarët, kurse Thaçin e ka porositur të largohet nga politika, duke thënë se “Ka ardhur koha që politikanët kosovarë që kanë marrë pjesë në luftë; të largohen nga politika, po bejnë pis Kosovën dhe Shqipërinë”.

Postimi  i plotë i Ndokës:

“Thjesht një realitet;

Sali Berisha mbetet politikani mbarëshqiptar më i dashur dhe më popullor në Kosove.

“Rruga e Kombit”, është vepra shekullore, që Kosovarët nuk duhet dhe nuk kanë për ta harruar kurrë! Kaq mjafton!

Ka ardhur koha që politikanët kosovarë që kanë marrë pjesë në luftë; të largohen nga politika, po bejnë pis Kosovën dhe Shqipërinë.

Të zgjedhin; statujë prej bronzi apo mermeri, kaq mund te bëje historia për ta, për me tej po vetëdemaskohen” (sic.), ka shkruar Ndoka. /Telegrafi/

Lexo po ashtu Thaçi godet fort Sali Berishën, i thotë se tregtoi me Millosheviqin, strehoi Arkanin dhe arrestoi Adem Jasharin