LAJMI I FUNDIT:

Mungon oksigjeni, spitali në Vushtrri prej tre muajsh pa operacione laparaskopike

Mungon oksigjeni, spitali në Vushtrri prej tre muajsh pa operacione laparaskopike

Spitali i Vushtrrisë gati që tre muaj ka mungesë të një përbërësi që mundëson të kryhen operimet laparaskopike. Në mungesë të CO2-shit, ky spital nuk po i kryen disa operacione. Për këtë janë në dijeni të gjitha institucionet por që gjatë ditës vet udhëheqësit e spitalit nuk kanë pranuar të flasin.

Është vendi ku banorët e Komunës së Vushtrrisë dhe jo vetëm drejtohen për çdo problem shëndetësor.

Por tash e disa muaj në spitalin “Sheikh Zayed”, nuk mund të kryhen operacionet laporaskopike.

Krejt kjo pasi që në këtë spital tash e tre muaj mungon dioksidi i karbonit i cili shërben për të lehtësuar punën e kirurgut gjatë operimit.

Prapa kamerës, pacientët tregojnë për mungesën e dioksidit të karbonit.

Drejtori i Shëndetësisë në Vushtrri, Nexhmedin Rashica thotë se janë në dijeni për mungesën e kësaj përbërje kimike, por që nuk mund të ndërmarrin asnjë masë pasi thekson se kompetencat i takojnë SHSKUK-së.

“Vushtrria është një vend i vogël dhe jemi të informuar nga pacientet që nuk po kryhen këto operacione dhe furnizimi më këtë produkt është në nivel të Qeverisë së Kosovës (Ministrisë së Shëndetësisë), respektivisht nga SHKUK-ja dhe Komuna nuk mundet të bëjë furnizimin më këtë produkt”, ka theksuar Nexhmedin Rashica, Drejtor i Shëndetësisë në Vushtrri.

Me mungesë të dioksidit të karbonit janë ballafaquar edhe spitalet e tjera rajonale.

Por disa nga to tashmë kanë bërë zgjidhje në mënyrë vetanake.

“Nuk ka firmë të licencume në Kosovë që mundet me na furnizu, unë vitin e kaluar e kam gjetur një firmë që na furnizon me oksigjen, dhe i kom lutë ata që të na bëjnë një donacion, një bocë të CO2 që për 8 muaj mundemi me funksionu me atë bocë. Për momentin nuk kemi mungesë, por ne e kemi marrë një donacion vet”, ka thënë Jeton Zarari -Drejtori i Spitalit të Gjakovës.

“Nëse nuk gaboj para disa muajve e kemi pasur një diskutim më drejtoreshën me këtë punën e furnizimit më CO2, po na e bëjnë kompania që na furnizon me oksigjen pasi nuk ka një kompani të licencuar”, ka deklaruar Selajdin Sallahu-  UD i drejtorit në Spitalin e Ferizajt.

SHSKUK-ja ka thënë se Co2-shi nuk është i regjistruar si produkt medicinal pranë AKPPM-së, rrjedhimisht nuk ka autorizim marketingu.

“Më parë kemi hapur procedura të prokurimit mirëpo pasi nuk ka pasur Autorizim Marketingu në Republikën e Kosovës si dhe ka qenë vlerë e vogël  nuk ka aplikuar asnjë Operatorët Ekonomik”, kanë thënë SHSKUK.

Tutje SSHKUK ka pranuar se sasi të kësaj përbërjeje janë siguruar në formë të donacionit.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Kalo në kategori