Mungesa e marrëveshjes për BREXIT mund të jetë me pasoja edhe për shoferët britanikë që jetojnë në BE

Britanikët të cilët ngasin veturat në Evropë do të mund të detyrohet të bëjnë një test të ri të vozitjes nëse nuk ka asnjë marrëveshje për Brexit, shkruajnë mediat e huaja, përcjell Telegrafi.

Kështu, po sipas mediave, deri në një milion britanikëve që jetojnë në Evropë u është thënë të zëvendësojnë patentën e tyre me një leje lokale menjëherë.

Udhëzimi i lëshuar nga Departamenti i Transportit sot thotë: “Nëse jeni një mbajtës i licencës në Mbretërinë e Bashkuar që jeton në BE ose EEA, ju duhet të shkëmbeni patentë shoferin tuaj të Mbretërisë së Bashkuar për një patentë lokale të BE-së përpara 29 marsit 2019”.

“Që nga ajo datë, në rast se nuk ka marrëveshje të daljes nga BE, mund të duhet të kaloni një test drejtimi në vendin e BE-së ku jetoni për të qenë në gjendje të vazhdoni të drejtoni makinën atje”.

Dhe madje është paralajmëruar: “Ju duhet të konsideroni mundësinë për të shkëmbyer patentën tuaj të shoferit në Mbretërinë e Bashkuar për një patentë shoferi të BE-së sa më shpejt që të jetë e mundur. Kërkesa e rritur mund të çojë në kohë më të gjatë të përpunimit dhe vonesa në shkëmbimin e patentë shoferëve”. /Telegrafi/