Mourinho thumbon Conten dhe Tottenhamin pasi i mposhti në miqësore, por ka fjalë të mëdha për yllin e Spurs

Roma ka arritur ta fitoj ndeshjen e radhës miqësore, ku janë përballur me Tottenham Hotspur në Izrael.

Giallorosët triumfuan me rezultat minimal 1-0, falë një goli në pjesën e parë nga Roger Ibanez i cili shënoi me kokë pas asistimit nga Paulo Dybala.

Ka qenë një ndeshje shumë e luftuar, me futbollistët e dy skuadrave që disa herë janë përplasur mes vete.

Jose Mourinho u tha se është pajtuar me Antonio Conten pas disa deklaratave që dyshja kishin dhënë për njëri tjetrin vite më parë.

Por portugezit nuk i ka dalë inati me italianin dhe e ka thumbuar menjëherë pas ndeshjes në llogarinë e tij në Instagram.

Mourinho ka ironizuar duke thënë se ishte një stërvitje e mirë, derisa mediat italiane po e cilësojnë deklaratën e tij si thumb drejt Contes dhe Tottenhamit.

Gjithsesi portugezi ka shkruar fjalë të mëdha për yllin brazilian të Spurs, Lucas Moura të cilin e përqafoi shumë pas ndeshjes.

“Një seancë e mirë stërvitore me një skuadër të madhe. Dhe një nga gjërat e mëdha në futboll janë njerëzit mahnitës me të cilët kryqëzon rrugët e jetës”, shkroi Mourinho, ku postoi foton me Lucas Mouran duke e puthur atë.

Gjithsesi mbetet të shihet nëse Conte do të ketë përgjigje për këtë thumb të Special One. /Telegrafi/

View this post on Instagram

A post shared by Jose Mourinho (@josemourinho)