Mourinho pas disfatës nga Milani: Nuk dua të them asgjë tjetër, sepse përndryshe nuk do të jem në bankinë javën e ardhshme

Jose Mourinho nuk pranoi t’u përgjigjej pyetjeve të mediave apo të përmendte referimin pas humbjes së Romës ndaj Milanit.

Kjo ishte humbja e parë në shtëpi në Serie A në karrierën e Mourinhos pas 43 ndeshjeve të pamposhtura, por edhe e para për Giallorossët në ligë që nga marsi i vitit 2021.

Zlatan Ibrahimovic frymëzoi fitoren për kuqezinjtë, duke shënuar një gol me një gjuajtje të lirë që depërtoi murin dhe fitoi një penallti të konvertuar nga Franck Kessie.

Lexo po ashtu Ibrahimovic bën shaka me golin e tij nga gjuajtja e lirë: Mendoj se duhet të ngadalësoj goditjen time në pleqëri

Mourinho refuzoi t’u përgjigjej pyetjeve nga studio, sepse ai supozoi se çdo përgjigje do të shkaktonte një ndalim.

“Komplimente për Milanin”, ka thënë ai për DAZN. “Nuk dua të them asgjë tjetër, sepse përndryshe nuk do të jem në bankinë javën e ardhshme”.

Lexo po ashtu Pioli: Milani beson edhe më shumë pas fitores ndaj Romës

“Jam i zemëruar për mungesën e respektit të treguar ndaj tifozëve të Romës. Nuk luajtëm mirë, por lamë gjithçka në fushë. Ne e kemi atë respekt, të tjerët jo dhe kjo më zemëron. Kjo është e gjitha”

Pas javës së 11-të, Milani është në vendin e dytë me 31 pikë, aq sa ka edhe Napoli si lider, ndërsa Roma gjendet në të pestin me 19 sosh. /Telegrafi/