Mourinho i kundërpërgjigjet Casillasit: U ballafaqua me mua fshehurazi, ashtu siç di ai më së miri

Jose Mourinho ka hedhur poshtë komentet e Iker Casillas në lidhje me marrëdhënien e tyre, pasi sipas tij është normale që dikush të thotë këtë në fund të karrierës.

Të enjten, ish-portieri i Real Madridit ka folur për mediat spanjolle duke thënë se ai duhet të ishte përballur Mourinhon kur ai ishte trajneri klubit.

Por, trajneri portugez ka një version tjetër rreth kësaj ngjarje në mes tij dhe Casillasit.

Lexo po ashtu Casillas: Nuk e kisha guximin të ballafaqohesha me Mourinhon

Sipas Mourinhos, portieri spanjoll u përball fshehurazi me të dhe tani në përfundim të karrierës është normale të flasë.

“Është normale që dikush ta thotë këtë në fund të karrierës së tij”, ka thënë fillimisht Mourinho për Diario AS.

“Ai tha se ai kurrë nuk u përball me mua, por kjo thjesht nuk është e vërtetë”.

Lexo po ashtu Pogba, Ronaldo dhe 10 lojtarët që ishin në 'luftë' të hapur dhe kishin marrëdhënie të vështirë me Mourinhon

“Ai u përball me mua dhe në një mënyrë që ai bën më së miri, fshehurazi”, përfundoi portugezi.

Tani 37 vjeç, Casillas u largua nga Los Blancos në vitin 2015 për t’u bashkuar me Portos pas një përplasjeje të raportuar me hierarkinë e klubit ndërsa Mourinho u largua dy vjet më parë. /Telegrafi/