Sport Futboll Ndërkombëtare

Mourinho flet për të ardhmen e Romës, Dybala dhe historia e Sevillas përpara finales së Ligës së Evropës

Para 2 vitesh

Jose Mourinho sugjeroi se ai nuk ka pasur kontakte me klubet e tjera mes dyshimeve për të ardhmen e tij në Romë dhe e quajti finalen e tyre në Ligën e Evropës kundër Sevillas diçka historike.

Giallorossët do të përballen me ekipin spanjoll më 31 maj (nesër) në Puskas Arena në Budapest. Skuadra e portugezit u kualifikua në finale pasi fitoi 1-0 ndaj Bayer Leverkusen në gjysmëfinale, ndërsa Sevilla siguroi një fitore të përgjithshme 3-2 ndaj Juventusit.

Mourinho e udhëhoqi Romën drejt trofeut të parë të madh evropian në Ligën e Konferencës sezonin e kaluar dhe tani dëshiron të përsërisë triumfin në Ligën e Evropës. Pavarësisht kësaj, dyshimet kanë vazhduar të lindin për të ardhmen e tij në kryeqytetin italian.

Duke folur në një konferencë për shtyp, Mourinho fillimisht diskutoi se si Roma arriti në finalen e garës së dytë më të madhe për klube në Evropë.

“Ishte një rrugëtim i gjatë, ndryshe nga kundërshtari ynë, sepse ata vijnë nga Liga e Kampionëve”, deklaroi Special One.

“Kemi luajtur 14 ndeshje për të qenë këtu dhe padyshim që e meritojmë. Ne e meritojmë të luajmë këtë finale dhe koha po vjen. Në dy tre ditët e fundit ne kemi punuar për këtë”.

Ai komentoi mbi dominimin historik të Sevillas në Ligën e Evropës dhe çfarë do të thotë kjo për të.

“Unë do të thoja që historia nuk luan, kundërshtari im mendon ndryshe. Ata mendojnë se janë të favorizuar sepse kështu thotë historia, ne e respektojmë këtë. Por, ne jemi në këtë finale që e meritojmë”, vazhdoi ai.

“Për ata që të luajnë një finale të Ligës së Evropës është pothuajse normale, për ne është një ngjarje e jashtëzakonshme. Për tifozët e Sevillas, të luash në një finale evropiane është si të luash në Spanjë, për ne është diçka historike”.

Trajneri portugez është pyetur për të ardhmen e tij në kryeqytetin italian.

“Mendoj se nëse ndonjëri prej nesh ka një pyetje të ngjashme me tuajën, duhet ta pyesim Midilibarin sepse ai nuk ka kontratë. Unë fola me dy kapitenët e mi dhe ata më bënë një pyetje të ngjashme me tuajën. Unë iu përgjigja objektivisht”, shtoi portugezi.

“Ata nuk duan që unë të përgjigjem, por ata e dinë se çfarë dua. Është ndryshe nga Interi, sepse nuk kisha nënshkruar me Real Madridin, por gjithçka u bë. Tani nuk kam asgjë, zero kontakte me klubet e tjera. Mendoj për nesër dhe atë që duam të bëjmë, sepse duam të luajmë”, ka potencuar më tej Mourinho.

Mourinho i krahasoi dy skuadrat përpara finales së Ligës së Evropës.

“Buxheti që ka Sevilla nuk është i njëjtë me Romën. Kemi lojtarë që kanë luajtur në ekipin B vitin e kaluar. Kam pasur më shumë mundësi për të luajtur në kompeticionet evropiane, por Mendilibar është i të njëjtit brez me mua: jemi në nivel”, ka thënë trajneri i Romës.

“Lojtarët janë gjithashtu të njëjtë, lojtarët e Sevillas kanë më shumë përvojë, por ne kemi luajtur së bashku për dy vjet”. /Telegrafi/