Mourinho e lavdëron Kumbullën: Ishte më i miri në ndeshje

Roma është rikthyer te fitoret në Serie A, pasi ka mposhtur Cagliarin me rezultat të ngushtë 1-0.

Giallorosët u rikthyen te fitoret pas 270 minutave, ku kishin pësuar dy humbje dhe kishin barazuar në një takim tjetër.

Në këtë sfidë titullar për Romën ishte mbrojtësi shqiptar Marash Kumbulla i cili bëri një ndeshje të madhe duke mos gabuar në asnjë moment.

E për paraqitjen fantastike të shqiptarit pas ndeshjes ka folur edhe trajneri i Romës, Jose Mourinho.

‘Special One’ e ka lavdëruar mbrojtësin shqiptar duke e cilësuar si futbollistin më të mirë të ndeshjes ndaj Cagliarit.

“Kumbulla ishte më i miri në fushë. Ai ka bërë një ndeshje fantastike dhe është një kënaqësi e madhe sepse në një moment të sezonit ka pasur vështirësi”.

Mourinho e ka pranuar se e ka kritikuar shumë Kumbullën dhe kritikat e kanë përmirësuar dukshëm shqiptarin.

“Kam qenë negativ në reagime, por ai ka qenë gjithmonë i përulur dhe është rritur. Në mbrojtjen me tre lojtarë ai ndihet më i qetë dhe luajti mirë, sikurse edhe Mancini”, tha tekniku portugez.

Roma pas kësaj fitore ngritët në pozitën e gjashtë në tabelë me 35 pikë të tubuara. /Telegrafi/