Heroi i Tottenham Hotspur, Lucas Moura deklaroi pas triumfit në Ligën e Kampionëve kundër Ajaxit "momenti më i mirë i jetës sime".
Londinezët eliminuan holandezët në saje të golave si mysafir, ku rezultati i përgjithshëm ishte 3-3 (0-1).
Lucas Moura ishte realizator i tre golave në këtë takim, ku pas takimit ka folur për mediat e huaja.
(Photo by Dan Mullan/Getty Images )
"Është e pamundur ta shpjegoj atë që e ndiej, jam shumë i lumtur dhe shumë krenar për shokët e ekipit tim. Gjithmonë besoj në këto momente, dhamë gjithçka në fushë dhe e merituam këtë moment - ne jemi familje. Ishte dhuratë e madhe nga Perëndia. Unë do të doja të ndaja me bashkëlojtarët, miqtë dhe familjen".
"Jo vetëm unë, por gjithë shokët e ekipit dhe punëtorët tjerë, të gjithë kanë punuar shumë fortë. Ishte shumë e vështirë për të luajtur kundër Ajaxit, por gjithmonë kam besuar në shokët e ekipit tim".
"Futbolli është i mahnitshëm - na jep një moment si ky, nuk mund ta imagjinojmë, momenti më i mirë në jetën time - në karrierën time, vetëm duhet t'ju them faleminderit shokëve të ekipit tim", tha Moura.
Ndryshe, Tottenham në finale të ligës më elitare evropiane do të takohet me Liverpoolin, e cila eliminoi Liverpoolin. /Telegrafi/
