Mos sistemimi i të punësuarve në administratë ndikon në mënyrë të drejtpërdrejt në uljen e përfaqësimit të drejtë dhe adekuat në vendin tonë. Kështu vlerëson profesori universitar Izet Zeqiri. Sipas tij ulja e përfaqësimit për tre vite nga 19.2 në 19% dëshmon se në administratën publike dhe atë shtetërore rritet numri i të punësuarve maqedonas. Profesori Zeqiri fajin e sheh edhe te Ministria e Shoqërisë Informatike, e cila nuk po zbaton planin për shpërndarjen e administratorëve.
Është një kosto diku 780 mijë euro që marrin paga diku afër 1688 administrator prej të cilëve kishte një plan aksionar për 950 prej tyre të sistemohen, por edhe kjo është në pikëpyetje pasi shumë institucione i kanë mbyllur dyert për administratorët. Kjo ndikon drejtpërdrejt edhe në vetë administratorët të cilët janë të deprimuar të cilët e humbin interesin, të cilët faktikisht ekziston mundësia ta humbin edhe vendin e punës sepse ata e kanë humbur garën për zhvillim të karrierës në krahasim me të rinjtë tjerë të cilët kanë shkuar në punë dhe kanë zhvilluar aftësitë e tyre në marrëdhëniet e punës- thotë profesori universitar Izet Zeqiri.
Ndërkohë nga Qeveria thonë të kundërtën. Sipas zëdhënësit Muhamet Hoxha duke iu referuar të dhënave të Ministrisë së Shoqërisë Informatike dhe Administratës, përfaqësimi i shqiptarëve rritet.
Nga ajo e cila është dorëzuar me përfundim të vitit 2018, që është dorëzuar nga Ministria e shoqërisë Informatike, përfaqësimi i shqiptarëve tek të gjitha institucionet është 19.67%, kjo pra është për vitin 2018, ndërsa për vitin 2017 përfaqësimi ka qenë 19.31%, pra kemi pak rritje sa përket përfaqësimit të drejtë dhe adekuat, por nuk është në nivelin e duhur që do të thotë se të gjitha institucionet dhe Qeveria e RM në vazhdimësi punon në zbatimin e këtij obligimi që do ta përsëris buron nga MO- tha Muhamet Hoxha, zëdhënës i Qeverisë.
Por, avokati i popullit Ixhet Memeti, mendon se të dhënat e ombudsmanit janë shumë më të sakta.
Vlerësojmë se kemi të bëjmë me një raport i cili ka të dhëna mjaftë reale dhe nëse e krahasojmë me raportin të cilin e jep ministra e shoqërisë informatike ne vlerësojmë se ky është raport më preciz dhe më i saktë- deklaroi Ixhet Memeti, avokat i popullit.
Në raportin e Avokatit të popullit thuhet se 122 institucione, nuk i kanë dorëzuar të dhënat për përfaqësimin e drejtë dhe adekuat për vitin 2018. Për këto institucione ombudsmani ka përdorur të dhënat e vitit 2017. Sipas këtij raporti, në vitin 2016 përfaqësimi i shqiptarëve ka qenë 19.2 %, në vitin 2017 ka rënë në 19.1% dhe në vitin 2018 në 19%./Alsat/
Promo
Reklamo këtuLufta Prigozhin - Putin
Më shumëDita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe