Si supermodelja e parë me mbulesë në industrinë e modës, ylli somalezo-amerikan, Halima Aden, nuk është e panjohur për thyerjen e kufijve.
Por pas ecjes në pista për Yeezy dhe Alberta Ferretti – për të mos përmendur pozimin për British Vogue, Sports Illustrated Swimsuit Issue dhe më shumë – Aden tronditi fansat e modës në nëntor 2020 duke u larguar nga moda, duke përmendur konflikte me besimet e saj fetare.
“Ata mund të më telefonojnë nesër dhe as për 10 milionë dollarë nuk do të rrezikoja kurrë të komprometoja mbulesën time”, shkroi modelja myslimane, 24 vjeçe, në Instagram në atë kohë.
Tani, një vit më vonë, Aden është duke menduar për rikthimin e saj në modë – dhe këtë herë, ajo shpreson të krijojë ndryshim, në vend që të ndryshojë veten. “Doja të kthehesha për të bërë punën që më pëlqen me markat që ndajnë vlerat e mia thelbësore”, tha ajo për Page Six Style duke vendosur t’i jap fund pauzës së saj. “Ishte e rëndësishme për mua që u ktheva sipas kushteve të mia dhe jam shumë mirënjohëse që pata mundësinë t’i bëj gjërat sipas mënyrës sime”.
Për punën e saj të parë në qendër të vëmendjes, ajo po bashkohet me Vita Coco si zëdhënëse për iniciativën e ndikimit social të markës. Projekti Vita Coco, mbështet komunitetet e kultivimit të arrës së kokosit në Filipine dhe Sri Lanka.
Ajo u emërua gjithashtu kohët e fundit ambasadorja e parë e markës globale në Modanisa, një shitës modest i modës. “Jam bërë shumë internacionale me kë jam partnere dhe çfarë kauza po mbështes”, tha Aden. Dhe ndërsa jo të gjitha përvojat e saj të modelimit kanë qenë pozitive, ylli i modës e njeh ndikimin që fama e saj mund të ketë te të tjerët që ndajnë besimin e saj.
“Si një vajzë e vogël duke u rritur, kurrë nuk pashë dikë që më ngjante në revista apo në televizion”, tha Aden, e cila lindi në një kamp refugjatësh në Kenia dhe u transferua në Minesota me familjen e saj në moshën 6-vjeçare.
“Në fakt, kur pashë përfaqësimin e grave myslimane, zakonisht ishte në lajme në lidhje me shtypjen, gjë që nuk ishte përvoja ime e veshjes së mbulesës”, shtoi ajo. “Si e rritur, jam shumë krenare që kam qenë gruaja e parë dukshëm myslimane në kaq shumë hapësira, sepse si fëmijë, kurrë nuk kam menduar se kjo do të ishte e mundur”.
Por Aden beson se ka ende “punë për t’u bërë në drejtim të diversitetit dhe përfshirjes”, duke thënë, “duhet një përpjekje e komunitetit për të nxitur ndryshime reale dhe afatgjatë”.
“Mos ndryshoni veten, ndryshoni lojën”, tha ajo. “Mos u ndjeni sikur duhet të përshtateni për t’u përzier. Përkundrazi, ji krenare për atë që je dhe nga vjen. Të gjithë kanë lindur për t’u dalluar dhe ne të gjithë duhet të përqafojmë dallimet e njëri-tjetrit. Bota do t’ju takojë aty ku jeni”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
‘Skuqja e perëndimit’: Tendenca më e lezetshme e grimit
Fustane të përsosura për dasma: Dy ngjyra janë veçanërisht moderne dhe dekolteja po rikthehet gjithashtu
Charlotte nga ‘Sex and the City’ hoqi filerat nga fytyra dhe i kënaqi të gjithë me pamjen e saj të freskët dhe natyrale
Fustane të përsosura për dasma: Dy ngjyra janë veçanërisht moderne dhe dekolteja po rikthehet gjithashtu
Sa lindje me operacion mund të ketë një grua?
Si të vishni pantallonat e bardha këtë pranverë dhe verë dhe ta bëni dukjen aktuale dhe të sofistikuar?
Pse partneri juaj ka qejf t’i shikojë femrat tjera?
Charlotte nga 'Sex and the City' hoqi filerat nga fytyra dhe i kënaqi të gjithë me pamjen e saj të freskët dhe natyrale
‘Skuqja e perëndimit’: Tendenca më e lezetshme e grimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë