“Mission: Impossible – Fallout” për dy ditë arkëton 61 milionë dollarë nga kinematë

Vazhdimi i gjashtë i një ndër filmave kult, ‘Misioni i pamundur’, në të cilin Tom Cruise po vazhdon të kryejë disa prej skenave më të komplikuara të aktrimit, po pritet shumë mirë prej publikut.

Në vetëm dy ditë të shfaqjes në kinematë botërore ka arritur të arkëtojë mbi 61 milionë dollarë.

“Mission: Impossible” është një filmi i rrallë që shikohet në sajë të paraqitjes së Cruiset dhe jo si një markë si në rastet e “Star Wars” dhe “James Bond 007”, shkruan Business Insider.

Puna e aktorit 56-vjeçar dhe ekipi filmik është shpërblyer gjatë fundjavës dhe në vetëm dy ditë vazhdimi i gjashtë, “Mission: Impossible – Fallout” ka arritur të fitojë katër herë më shumë se vendi i dytë, filmi “Mamma Mia! Here We Go Again”, i cili ka fituar mbi 15 milionë dollarë gjatë dy ditëve të fundit të javës së kaluar.

“Paramount ka bërë një punë mjeshtërore duke vënë aktorin në qendër të fushatës së tyre të marketingut për vazhdimin e gjashtë ‘Misioni: Impossible'”, tha Paul Dergarabedian, kritik dhe analist i filmave.

“Ajo është paguar shumë mirë për vazhdimin e gjashtë që është bërë një nga filmat aksion më të njohura dhe më afatgjatë të të gjitha kohërave”, shtoi ai.

Ndryshe, adhuruesit e këtij filmi në Kosovë, mund ta shohim “Mission: Impossible – Fallout” në kinemanë Cineplexx në Prishtinë. /Telegrafi/

https://www.youtube.com/watch?v=aF4gFyvJFHI