Sulmuesi shqiptar Mirlind Daku po tregon një formë të lartë në elitën e futbollit rus dhe këtë e dëshmoi edhe në fitoren e fundit të Rubin Kazanit.
Klubi rus sot (e premte) u përball me Akron në kuadër të javës së 16-të në Superligën e Rusisë, ndeshje të cilën e fituan me rezultat komod 3-0.
Një prej më meritorëve në këtë sfidë ishte padyshim Mirlind Daku i cili realizoi dy gola për t’i dhuruar tri pikë të reja ekipit të tij.
Daku fillimisht shënoi në minutën e 10-të për t’i dhënë Rubin Kazanit epërsinë prej 1-0, teksa golin e dytë e gjeti vetëm 10 minuta më vonë, më saktësisht në minutën e 20-të për 2-0.
Për këta dy gola dhe paraqitjen e tij në përgjithësi, Daku u vlerësua si lojtari më i mirë i ndeshjes nga Sofascore me notën 9.4.
Përveç golit të shënuar Daku pati edhe pesë driblime të kompletuara, pesë pasime kyçe, 10 duele të fituara dhe dy ndërhyrje.
Pas kësaj ndeshje 26-vjeçari shkon në kuotën e tetë golave të realizuar pas dhjetë ndeshjeve të luajtura, teksa ka edhe tri asistime.
Kujtojmë se në këtë takim për Rubin Kazanin u paraqit edhe mesfushori shqiptar Dardan Shabanhaxhaj i cili luajti rreth 80 minuta./Telegrafi/
