Ministri Lluka dhe biznesmeni Ejupi takojnë yllin e UFC-së, Khabib Nurmagomedov

Luftëtari i UFC-së, u bë i njohur në kohën e fundit kur fitoi ndaj irlandezit  Conor McGregor, në një meç të jashtëzakonshëm dhe shumë fitimprurës.

Ylli nga Dagestani, u bë i dashur edhe për publikun në Kosovë.

Ai ishte i pranishëm në inaugurimin e aeroportit të Stambollit, si shumë fytyra të tjera publike, si nga politika, po ashtu edhe nga biznesi dhe sporti.

Ministri i Zhvillimit Ekonomik, Valdrin Lluka, është një nga ata është takuar me Khabib Nurmagomedovin.

Ai ka shfrytëzuar rastin që ta ruaj një foto kujtimi me luftëtarin e UFC.

Lluka me sarkazëm ka thënë se i ka kërkuar të ndeshet rusit Nurmagomedov.

Edhe Presidenti i FC Prishtinës, biznesmeni Remzi Ejupi e ka takuar Nurmagomedovin.

Ejupi e ka shfrytëzuar rastin të flasë edhe për Kosovën, me njeriun më të përfolur në botë ditëve të fundit.

“I thash që të përkrahim dhe se e ke mbështetjen tonë në Kosovë dhe se ju kemi gëzuar fitores tënde të fundit. Gjithashtu, i thash se të presim krahëhapur në Kosovë”, ka treguar Ejupi për Zërin.

Ndërkohë, Khabib ia ka kthyer Ejupit se e njeh Ilir Latifin, sportistin e njohur nga Kosova me nënshtetësi suedeze, që garon po ashtu në artet e përziera marciale.