Ministri i Jashtëm gjerman: Nëse Putin vjen në vendin tonë, do ta arrestojmë dhe dorëzojmë në Hagë

Ministri i Jashtëm gjerman Marco Buschmann, ka njoftuar se do të ekzekutojë urdhër-arrestin për presidentin rus Vladimir Putin nëse ai shkel në tokën gjermane.

Ai shtoi se në rast të ardhjes së Putinit, Gjykata Ndërkombëtare Penale do t’i drejtohet shpejt Interpolit dhe shteteve kontraktuese dhe do të kërkojë ekzekutimin e urdhrit, shkruan Yahoo News.

“Gjermania më pas do të jetë e detyruar të arrestojë Putinin dhe ta dorëzojë atë në Gjykatën Penale Ndërkombëtare”, tha ministri gjerman, transmeton Telegrafi.

⚡️Minister: Germany will have to arrest Putin if he enters its territory.

Germany will have to arrest Putin if he enters German territory and if the International Criminal Court asks contracting states for enforcement, the country's Justice Minister Marco Buschmann said.

— The Kyiv Independent (@KyivIndependent) March 19, 2023

Kujtojmë se pardje Gjykata e Hagës lëshoi ​​urdhër-arrest për Putinit me dyshimin se është përgjegjës për dëbimin e paligjshëm të fëmijëve dhe transferimin e paligjshëm të njerëzve nga territori i Ukrainës në Federatën Ruse.

Lexo po ashtu Edhe pse i plagosur, ushtari ukrainas arrin të futet në istikame dhe ta eliminojë rusin që vazhdimisht qëllonte mbi të

Përveç Putinit, Gjykata Ndërkombëtare Penale (ICC) lëshoi ​​gjithashtu urdhër arrest për komisioneren e tij për të drejtat e fëmijëve, Maria Alekseevna Lvova-Belova, me të njëjtat akuza për dëbim të paligjshëm të fëmijëve ukrainas.

Gjyqtarët e procedurës paraprake të ICC-së vlerësuan se ka “arsye të justifikueshme për të besuar se të dy të dyshuarit mbajnë përgjegjësi për krimin e luftës të dëbimit të paligjshëm të popullsisë dhe transferimin e paligjshëm të popullsisë nga territoret e pushtuara të Ukrainës në Federatën Ruse, në dëm të fëmijëve ukrainas”. /Telegrafi/