Milani fiton derbin ndaj Napolit – garë e ashpër për kreun e tabelës

Milani e ka fituar derbin ndaj Napolit me rezultat 1-0 në takimin që u luajt në javën e 28-të në Serie A.

Vendisit e filluan më mirë takimin në “Stadio Diego Armando Maradona”, por Rossonerët u këndellën shpejt.

Dy skuadrat tentuan në disa raste të dilnin përpara dhe të krijonin raste serioze, mirëpo nuk ia dilnin të konkretizonin pasime siç duhet.

📸 Gli scatti del primo tempo#NapoliMilan 0-0 (HT)

💙 #ForzaNapoliSempre pic.twitter.com/f0yUq92B2r

— Official SSC Napoli (@sscnapoli) March 6, 2022

Në 45 minuta e dytë, Milani ishte më kërkues dhe këtë e dëshmoi goli i realizuar në minutën e 49-të nga Olivier Giroud, që shënoi falë një devijimi që i bëri topit të goditur prej Davide Calabria.

Një tjetër mundësi për mysafirët erdhi edhe në minutën e 55-të, por Ismael Bennacer nuk ia doli të mposhte David Ospinan.

⏱️ 55'@IsmaelBennacer's strike is heading towards the far bottom corner. Ospina saves 😮#NapoliMilan 0-1 #SempreMilan

— AC Milan (@acmilan) March 6, 2022

Napoli nuk ia doli të tregonte shumë në këtë lojë, madje nuk arriti as të krijonte ndonjë rast serioz.

Pas javës së 28-të, Milani është rikthyer në vendin e parë me 60 pikë, ndërsa Napoli është në të tretin me 57 sosh. /Telegrafi/