Trajneri i shkarkuar nga Valencia, Marcelino Garcia Toral i njohur si Marcelino është në bisedime me klubin italian, Milanin.
Sipas gazetës Mundo Deportivo, Marcelino është rreshtuar si zëvendësuesi ideal i Stefano Piolit si trajner i Milanit në fund të këtij sezoni.
Marcelino u takua me drejtorin e Milanit, Paolo Maldini, dhjetë ditë më parë ku u arrit një marrëveshje.
Ardhja e tij ka edhe miratimin e drejtorit të tjerë të Rossonerëve, Zvonimir Boban.
Vetëm javën e kaluar, Marcelino foli për të ardhmen e tij, ku tregoi se është gati për sfidën e re.
“Nuk isha i gatshëm të stërvitem menjëherë. Unë pres dhe dua një plan të mirë për sezonin e ri”.
“Ka shumë mundësi që unë të trenoj një skuadër jashtë Spanjës. Do të ishte një sfidë emocionuese”, ka thënë Marcelino. /Telegrafi/
