Miku i afërt i Schumacher, Jean Todt: Aksidenti ka pasur pasoja, ata që thonë se dinë diçka gënjejnë

Ish-presidenti i FIA-s, Jean Todt, e ka bërë të qartë se aksidenti i Michael Schumacher ka pasur pasoja, por ka kërkuar që ta lënë të qetë familjen e legjendës së Formula 1.

Në dhjetor të vitit 2013, kampioni i shtatëfishtë i botës pësoi një aksident gjatë skijimit u vendos në koma të induktuar.

Në shtator të vitit 2014, u vendos në shtëpinë e familjes së tij në Gjenevë, ku një staf mjekësor e mbështesin bashkëshorten e tij, Corinna, që kujdeset për të.

Gjendja e Schumacher është mbajtur e fshehur nga familja dhe miqtë e tij, ndërsa gjermani nuk është parë asnjëherë nga publiku që nga koha e aksidentit.

Todt, i cili raportohet se e viziton legjende një herë në muaj, ka kërkuar privatësi për gruan dhe fëmijët e gjermanit.

Lexo po ashtu Gruaja e Michael Schumacher jeton 'si një e burgosur' - përditësim i çuditshëm i situatës në familjen e legjendës së Formula 1

“Ta lëmë të qetë. I respektojmë dëshirat për privatësi të Corinnas dhe fëmijëve të saj, edhe pse e dimë me siguri që aksidenti ka pasur pasoja. Por, kushdo që thotë se di diçka, nuk di asgjë”.

“Unë gjithmonë shkoj për ta vizituar. Ai dhe gamilja e tij, janë familja ime”, ka deklaruar 77-vjeçari për gazetën italiane, Corriere della Sera.

Gjatë kohës sa ishte shef ekzekutiv i Ferrarrit, Todt ka shijuar suksese të mëdha me Schumacherin, i cili i fitoi pesë tituj radhazi (2000-2004) të kampionit të botës në Formula 1. /Telegrafi/