Mikel Arteta përditëson gjendjen e Bukayo Saka dhe William Saliba para ndeshjes me Chelsean

Mikel Arteta ka dhënë informacionet më të fundit për skuadrën e Arsenalit përpara udhëtimit në “Stamford Bridge” aty ku do të përballen me rivalin lokal Chelsean.

Arteta është përballur me shtypin përpara ndeshjes së Arsenalit kundër Chelseat në Ligën Premier. Pas fitores mahnitëse ndaj Manchester Cityt para pushimit me kombëtare, klubi kishte ende një sërë shqetësimesh për shkak të lëndimeve të shumta.

William Saliba dhe Leandro Trossard të dy u tërhoqën nga kombëtaret pikërisht për shkak të lëndimeve.

Saliba ka luajtur me një lëndim në gishtin e këmbës, ndërsa Trossard është përballur me një përsëritje të një lëndimi muskulor, i cili ka qenë shkaktari kryesor që belgu ka humbur shumë ndeshje këtë sezon.

Bukayo Saka ishte një tjetër lojtar që nuk u paraqit në ndeshjen ndaj Manchester Cityt. Lëndimi në ndeshjen e Ligës së Kampionëve ndaj Lens-it, ishte i mjaftueshëm për ta bërë atë të humbiste ndeshjen e cila ishte e vlefshme për kreun e tabelës.

“Jo shumë,” tha ai kur u pyet për të rejat e ekipit. “Ne nuk kemi pasur shumë lojtarë. Ne do të bëjmë stërvitjen tonë të parë sot dhe do të dimë më shumë pas seancës”, ka thënë Arteta.

Tekniku spanjoll u pyet nëse Saka dëshiron të luajë dhe për këtë ai u shpreh se padyshim që Saka dëshiron të luajë rolin e tij në sfidën ndaj Chelseat.

Në fund ai pati një koment edhe rreth gjendjes së francezit William Saliba.

“Ai ka luajtur me një lëndim që një kohë të gjatë andaj duhet t’i japim më shumë kohë që të përmirësohet”, përfundoi ai.

Arsenali udhëton në “Stamford Bridge” të shtunën për t’u përballur me Chelsean me fillim nga ora 18:30.

Një fitore do t’i çonte ata në krye të tabelës, të paktën derisa Tottenham të luajë ndeshjen e tyre ndaj Fulham-it të hënën në mbrëmje./Telegrafi/