Mexhiti: Reformat në KSHP lehtësojnë barrën administrative dhe gjithashtu zvogëlojnë presionin mbi kujdesin shëndetësor

Ministri i Shëndetësisë, Fatmir Mexhiti sot tha se reformat në KSHP lehtësojnë barrën administrative dhe gjithashtu zvogëlojnë presionin mbi kujdesin shëndetësor sekondar dhe terciar.

“Procesi i punës me pacientët të cilëve u përshkruhet terapi kronike nuk është aspak e komplikuar, udhëzimet qartë të shkruara në shtigjet klinike e bëjnë më të lehtë për mjekët e familjes, ndaj kemi një fillim të shkëlqyer të reformës. Dje, sipas të dhënave nga “Termini Im”, 506 pacientë kanë marrë terapi për sëmundjen e tyre kronike nga mjeku i familjes. Janë përshkruar 1,073 barna.

Me këtë masë reforme, e cila bëri të mundur që terapia e përshkruar nga specialistët të përshkruhet tani nga mjekët e familjes, bëmë ndryshime dhe përmirësime thelbësore për pacientët dhe profesionistët shëndetësorë”, tha ministri Mexhiti.

Me masën e re të reformës, pacientët me diabet, astmë, SPOK, funksion të reduktuar të tiroides dhe hipertension nuk kanë pse të shkojnë në Klinikë për të vazhduar ose përshkruar terapi kronike, ata mund ta bëjnë këtë tek mjeku i familjes që e kanë prej kohësh. Përparësitë e kësaj mase janë se pacientët nuk janë të ekspozuar ndaj shpenzimeve, ata mund të marrin terapi për sëmundjen e tyre kronike tek mjeku i familjes, në vendin ku ata jetojnë. Kjo masë reforme forcon rolin dhe rëndësinë e mjekëve të familjes në sistemin shëndetësor. Reformat në KSHP lehtësojnë barrën administrative dhe gjithashtu zvogëlojnë presionin mbi kujdesin shëndetësor sekondar dhe terciar./Telegrafi/