Që nga sot mësuesit dhe nxënësit e klasave të gjashta në lëndët histori, edukatë qytetare dhe gjuhë, përveç librave bazë do të kenë udhëzuesit antikorrupsion të përgatitura nga Programi i Kombeve të Bashkuara për Zhvillim dhe Ministria e Arsimit Shkencës dhe Teknologjisë.
Udhëzuesit antikorrupsion përmbajnë këshilla për të integruar temat antikorrupsion në tri lëndët e përzgjedhura dhe materiali do të përdoret së bashku me librat e lëndëve të përzgjedhura.
Menaxheri i këtij projekti nga UNDP, Albert Avdiu, bëri të ditur se zbatimi i këtij aktiviteti bazohet në gjetjet dhe rekomandimet kryesore të vlerësimit të rreziqeve të korrupsionit në sektorin e arsimit të vitit 2015.
“Si temat ashtu edhe udhëzuesit përkatës për mësimdhënës dhe nxënës janë përpiluar me bashkëpunim të ngushtë me zyrtarët gjegjës. Kjo nismë e përfshirjes së temave antikorrupsion në plan programet e lëndëve të shkollave fillore bazohet në gjetjet dhe rekomandimet kryesore të vlerësimit të rreziqeve të korrupsionit në sektorin e arsimit të vitit 2015. Me qëllim të përfshirjes së arsimimit antikorrupsion në shkolla, si pjesë e përpjekjeve të përgjithshme të parandalimit të korrupsionit”, tha ai.
Zëvendësministri i Arsimit, Arbër Geci, tha se MASHT është i përkushtuar për të punuar në drejtim të përgatitjes së materialeve të ngjashme të cilat bëjnë përgatitjen e nxënësve, apo orientojnë nxënësit dhe i mbushin ata me njohuri për fenomenet korruptive.
“Diskutimet për korrupsionin janë në të gjitha nivelet, janë edhe në familje dhe fëmijët janë shumë të ekspozuar sa i përket temave të korrupsionit. Duket sikur ata janë jashtëzakonisht të familjarizuar me temën e korrupsionit dhe kjo mund të ketë pasoja jashtëzakonisht të mëdha, sepse duke qenë që flitet shumë për korrupsionin për ta nesër, pas nesër korrupsioni mund të jetë diçka e natyrshme. Prandaj, ministria edhe në këtë projekt vlerëson se është bërë një punë jashtëzakonisht e madhe dhe e rëndësishme për parandalimin e korrupsionit, sepse e vetmja mënyrë për të parandaluar korrupsionin është që të edukojmë fëmijët nëpër shkolla dhe t’i përgatisim ata për këtë fenomen negativ”, tha ai.
Ai tha se efektet që mund të japin udhëzuesit të cilët janë përgatitur nga mësimdhënësit dhe UNDP janë efekte që përgatisin nxënësit dhe parandalojnë korrupsionin.
Eksperti lokal, Bujar Gallopeni bëri të ditur se temat kundër korrupsion është propozuar të zhvillohen si qasje modulare. Sipas tij, nuk është zgjedhur të mbahen lëndë zgjedhore për shkak se këto lëndë shpesh herë nuk mbahen.
“Është propozuar dhe është pajtuar që temat kundër korrupsionit të zhvillohen dhe të instalohen si qasje modulare, nuk ka nevojë me pas lëndë të re, nuk ka nevojë me pas lëndë zgjedhore. Por, temat të zhvillohen si pjesë e moduleve të lëndëve dhe të jenë pjesë e rregullt e lëndëve për shkak edhe arritjes së qëndrueshmërisë së zbatimit…”, tha ai.
Hartimi dhe publikimi i udhëzuesve është zbatuar nga projekti SAEK II, UNDP, Zyra në Kosovë në bashkëpunim me Ministrinë e Arsimit, falë mbështetjes së Agjencisë Zvicerane për Zhvillim dhe Bashkëpunim në Kosovë, si dhe DANIDA-s, Qeverisë së Danimarkës. /KP/
Lufta Prigozhin - Putin
Më shumëA do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre