Messi: Nuk kam ndikuar kurrë te Argjentina që të mos ftohej Icardi

Lionel Messi insiston se kurrë nuk ka bllokuar Mauro Icardin për t’u ftuar në Përfaqësuesen e Argjentinës.

Në të kaluarën është raportuar se ylli i Barcelonës për shkak të miqësisë me Maxi Lopez ka ndaluar ftesën drejt sulmuesit të Interit nga ‘Albiceleste’.

“Thuhej se unë nuk doja që Icardi të ftohej në ekipin kombëtar, por kurrë nuk kam vendosur se a duhet të vijë një lojtar, apo jo”.

“Tani doli që e gjithë ajo që është thënë është një gënjeshtër. Kur nuk kam thënë se e doja Icardin jashtë kombëtares, ose kam ndikuar te dikush që një lojtar të largohet”.

“T’u thuash lojtarëve të shkëlqyer se ata luajnë vetëm pse janë të afërt me Messin, është mosrespektuese, si dhe një gënjeshtër e madhe, sepse unë nuk e drejtoj ekipin kombëtar”.

Lexo po ashtu Icardi e festoi het-trikun duke e imituar Messin (Foto/Video)

Sulmuesi i Juventusit, Paulo Dybala, ka thënë se e ka të vështirë të luajë me Messin, kjo pasi ata luajnë në një pozitë të njëjtë, por kjo nuk është çështje për yllin e Barçës.

“Nuk ka asgjë për t’u sqaruar me Dybalan, e di se çfarë ai donte të thoshte nga momenti i parë”, ka shtuar Messi. /Telegrafi/