Mësohet arsyeja e ndarjes së Jennifer Lopez nga Alex Rodriguez

Vetëm një muaj pasi hodhi poshtë thashethemet për ndarjen nga Alex Rodriguez, Jennifer Lopez, po vazhdon sërish e vetme.

Ylli dhe lojtari i bejsbollit publikuan një deklaratë më 15 prill duke njoftuar për fundin e fejesës së tyre.

“Ne i urojmë më të mirën njëri-tjetrit dhe fëmijëve të njëri-tjetrit. Për respekt të tyre, i vetmi koment tjetër që duhet të themi është faleminderit për të gjithë ata që na kanë mbështetur”, thuhet në deklaratë të tyre.

“Ajo këmbënguli për këtë. Ka shumë çështje që nuk janë zgjidhur”, thotë një mik i Lopez, i cili ka filmuar komedinë e saj të ardhshme “Shotgun Ëedding” në Republikën Dominikane gjatë muajve të fundit.

Në fund, thonë burimet, Lopez nuk mund t’i ‘besonte plotësisht’ Rodriguez, i cili udhëtoi për ta vizituar atë në Republikën Dominikane ditë pasi qarkulluan lajmet e ndarjes.

Lexo po ashtu Edhe pas ndarjes, Jennifer Lopez vazhdon ta mbajë unazën 1.8 milionë dollarëshe me të cilën i propozoi Alex

“Ajo nuk ndihej mirë dhe nuk mendoi se ishte në interesin e saj të qëndronte me Alex”, thuhet më tej.

Ish-çifti, të cilët u fejuan në Bahamas në mars të vitit 2019 pas dy vitesh njohje së bashku – dukej se ishin në humor të mirë gjatë performancës së Jennifer në inaugurimin e presidentit Joe Biden.

“Të dyve u pëlqente të kalonin më shumë kohë së bashku si familje, por ishte e vështirë të mbanin atë shkëndijë speciale kur shiheshin çdo ditë”, thotë një tjetër person i afërt me çiftin, të cilët u detyruan të anulonin dasmën dy herë për shkak të pandemisë.

Tani për tan, ylli i “Hustlers” është përqendruar në atë që i jep asaj gëzimin më të madh: fëmijët dhe punën.

Megjithëse përfundimi i gjërave me Rodriguez nuk ishte i lehtë, Lopez ndihet në paqe me vendimin e saj. /Telegrafi/