Një burrë britanik i cili ngeci në një vrimë të madhe në një plazh në Brazil ka treguar se si "mendoi se do të vdiste" përpara se të shpëtohej nga vendasit në një përvojë të tmerrshme tre-orëshe.
Jensen Sturgeon po festonte ditëlindjen e tij të 22-të në Rio de Janeiro, ndërsa ishte me pushime me miqtë më 26 prill, kur grupi vendosi të vizitonte plazhin ikonik të Copacabana-s, përcjell Telegrafi.
Sturgeon, një punonjës bagazhesh në aeroportin e Gatwick, filloi të hapte një gropë ndërsa miqtë e tij bënin “banjë dielli” dhe madje iu dha një lopatë për ta ndihmuar në përpjekjet e tij.
Por pasi arriti në thellësi mbi dy metra, rëra përreth u shemb, duke e lënë britanikun të bllokuar.
Pasi luftoi kundër rërës, Sturgeon arriti të çlironte kokën dhe të kërkonte ndihmë, me rreth 30 njerëz që u mblodhën rreth tij në përpjekje për ta nxjerrë.
U deshën tre orë që turma ta shpëtonte turistin, duke përdorur copa druri, lopata dhe copa litari për ta tërhequr në sipërfaqe.
Ai u shpëtua përfundimisht nën brohoritjet dhe duartrokitjet e kalimtarëve, ndërsa disa filmuan aktin dramatik. /Telegrafi/
