Mel B ishte plotësisht e pafuqishme nga marrëdhënia e saj abuzive

Ish-anëtarja e grupit “Spice Girls” mbajti lotët teksa po jepte një rrëfim të jetës së saj me ish-bashkëshortin Stephen Belafonte, nga i cili u divorcua pesë vjet më parë.

Mel B u shfaq në një ngjarje të organizuar nga The Sun dhe Women’s Aid në konferencën e Partisë Konservatore në Birmingem. Ajo u bëri thirrje ministrave të rregullojnë sistemin gjyqësor të Britanisë dhe të rrisin fondet për të mbijetuarit e abuzimit në familje.

Nëna e tre fëmijëve Mel, e cila u emërua MBE këtë vit për punën e saj me gratë e prekura, foli edhe abuzimin e saj.

“Nuk mund ta merrja telefonin për të thirrur nënën, miqtë e mi, nuk kisha qasje në asgjs. Unë isha plotësisht e izoluar nga miqtë dhe familja ime. Dhe kjo nuk ndodhi brenda natës. Ndodhi pak nga pak”, tha ajo.

Melanie Janine Brown, e njohur zakonisht si Melanie B ose Mel B, është një këngëtare, autore këngësh dhe personalitet televiziv anglez. Ajo u bë e famshme në vitet 1990 si një anëtare e grupit Spice Girls, në të cilën ajo mori nofkën Scary Spice.

Në shkurt 2007, Mel B filloi të takohej me Stephen Belafonte, një producent filmash. Çifti u martua fshehurazi më 6 qershor 2007 në Las Vegas, por lidhja e tyre zgjati deri në dhjetor 2016.

Brown paraqiti kërkesë për divorc në mars 2017 dhe akuzoi Belafonte për abuzim emocional dhe fizik – transmeton KP.

Në gjykatë, përfaqësuesi i Belafonte tha se për shkak të stilit të jetesës “ekstravagante dhe të pasur” të çiftit, Mel B kishte “shpenzuar të gjitha paratë e saj të fituara nga Spice Girls – afërsisht 50 milionë dollarë, nëse jo më shumë”.

Në nëntor 2018, Mel B u bë mbrojtëse e shoqatës bamirëse të të mbijetuarve të dhunës në familje, Women’s Aid.