Guvernatori i Bankës Qendrore të Republikës së Kosovës, Fehmi Mehmeti në një bisedë për Radion Evropa e Lirë ka folur rreth pasojave që do të jenë në ekonominë e Kosovës pas gjendjes së krijuar nga koronavirusi i ri i cili tanimë ka prekur pothujse të gjitha shtetet e botës.
Mehmeti thotë se shpërndarja e virusit COVID-19 ka krijuar një situatë të re në gjithë botën dhe pasojat për ekonominë pa dyshim se do të jenë evidente.
Sipas tij, pamundësia e bizneseve për të ushtruar aktivitetin e tyre në mënyrë normale do të ndikojë në punësimin dhe të ardhurat e qytetarëve, duke ndikuar kështu në mënyrë të drejtpërdrejtë në rënien e konsumit”.
“Për më tepër, zhvillimet e pafavorshme ekonomike në vendet e zhvilluara në Kosovë pritet të ndjehen edhe përmes dobësimit të mundshëm të rrjedhës së dërgesave të emigrantëve, gjë që pritet të dobësojë edhe më tutje aftësinë e qytetarëve për të financuar konsumin”, thotë Mehmeti.
Ai shtoi se Banka Qendrore e Kosovës ka marrë një numër masash me qëllim të sigurimit të funksionimit normal të sektorit bankar dhe zbutjes së efekteve të kësaj situate në ekonomi.
Këto masa, sipas Mehmetit, përfshijnë funksionimin e mirë të sistemit të pagesave dhe ekzekutimi i rregullt i pagesave, furnizimin e mjaftueshëm të parave në të gjithë vendin.
Po ashtu, shton Mehmeti, së bashku me drejtorët ekzekutiv të bankave dhe Shoqatën e Bankave të Kosovës kanë marrë vendim që të lejojnë një periudhë mospagimi për pagesat e kësteve të kredisë duke filluar nga data 16 mars 2020 deri më 30 prill 2020, dhe në varësi të zhvillimeve të situatës kjo periudhë mund të zgjatet sipas gjykimit të bankave.
Ndërkohë, sa i përket rritjes ekonomike e cila ishte parashikuar nga Qeveria e Kosovës të jetë 4,2 për qind në vitin 2020, Mehmeti thotë se kjo situatë e krijuar nga koronavirusi mund ta pamundësojë këtë rritje.
“Vazhdimi i kësaj situate e pamundëson realizimin e normës së paraparë të rritjes ekonomike, mirëpo është ende herët të flasim më konkretisht rreth parashikimeve të rritjes meqë ka shumë pasiguri rreth zhvillimeve të pritshme dhe madhësisë së efekteve që mund t’i shkaktojë situata e krijuar”, thotë Mehmeti.
Si pasojë e shpërthimit të pandemisë globale të koronavirusit edhe ekspertët e çështjeve ekonomike në Prishtinë kanë theksuar se e gjithë bota do të përballet me një ngadalësim të aktivitetit ekonomik.
Në prononcimet për Radion Evropa e Lirë, ekspertë të fushës ekonomike dhe finaciare kanë kërkuar nga autoritetet e vendit që të tregohen të vëmendshme karshi kësaj situate në të cilën ndodhet vendi.
Eksperti i ekonomisë, Safet Gërxhaliu, ditë më parë ka thënë për Radion Evropa e Lirë se nëse sektori privat do të ballafaqohet me vështirësi, pasojat do t’i bartin edhe qytetarët, pasi që bizneset nuk do të mund t’i përmbushin obligimet e tyre nëse nuk do të kenë aktivitet ekonomik.
Ndërkaq, Mejdi Bektashi ekspert i çështjeve financiare, ka thënë se Qeveria e Kosovës duhet sa më shpejt të dalë me pakon stimulative që duhet të jetë disa dhjetëra miliona euro me qëllim që të parandalojë falimentimin e shumë bizneseve që drejtpërsëdrejti do të ndikonin në përkeqësimin e situatës ekonomike dhe financiare në vend.
Në Kosovë, tashmë janë shënuar 31 raste me koronavirus.
Qeveria e Kosovës ka marrë masa të shumta parandaluese. Këto masa përfshijnë mbylljen e bareve, restoraneve dhe qendrave tregtare, parqeve, por jo edhe të dyqaneve ushqimore dhe farmacive.
Promo
Reklamo këtuLufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Shijo detin e krejt stinëve në “Holiday In 2”
Nga pushimet e punëtorëve e deri tek menaxhimi i inventarit - përmes AveHR mund t’i digjitalizoni Burimet Njerëzore
Nagip Krasniqi shkarkohet nga pozita e kryeshefit të KEK-ut
Saktësi, efikasitet dhe rehati - Ultratingulli revolucionar SonoMax 9
Aliu: Po planifikojmë tren të shpejtë në linjën Prishtinë-Fushë Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert