Mehaj kërkon mbështetje nga qytetarët: Me buxhetin që kemi, i vështirë forcimi i ushtrisë

Mehaj thotë se atdheu ka nevojë për ne, jam i bindur që do t’i përgjigjemi pozitivisht siç kemi bërë gjithmonë.

Ministri i Mbrojtjes, Armend Mehaj, ka komentuar sërish për hapjen e Fondit të Sigurisë.

Mehaj ka bërë apel te të gjithë qytetarët që t’i përgjigjen pozitivisht iniciativës.

Ai thotë se ‘’Fondi i Sigurisë’’, do të jetë në shërbim të institucioneve të sigurisë.

“Është e domosdoshme që Ushtria e Kosovës të forcohet. Është e vështirë ta bëjmë këtë vetëm me buxhetin që e kemi”, ka shkruar Mehaj në Facebook.

“Donacioni i secilit është i çmueshëm dhe i pa zëvendësueshëm”.

Mehaj ka premtuar se Fondi i Sigurisë do të menaxhohet nga Ministria e Financave me transparencë dhe llogaridhënie të plotë.

“Vetëm së bashku mund të arrijmë qëllimin jetik – Ushtrinë tonë moderne dhe të pajisur sipas standardeve të NATO-së”.

Fondi është hapur në Bankën Qëndrore të Republikës së Kosovës.

Emërtimi i llogarisë/Account name Fondi i Sigurisë

Nr. i llogarisë/Acc. number 1000400070008619

IBAN XK051000400070008619

SWIFT-BIC CBRKXKPRXXX