Mediumi francez: Vëmendje, Kosova – vendi i talentëve premtues

Mediumi francez So Foot i ka kushtuar një artikull përmbledhës Kosovës se si arriti të vinte në këtë moment historik të kualifikimeve për Euro 2020, që nga shpallja e pavarësisë.

Më 17 shkurt të vitit 2018, Kosova e shpalli pavarësinë. Serbia dhe Rusia ishin në mesin e pak shteteve që refuzuan ta njohin.

Sot, Republika e Kosovës është e njohur nga më shumë se gjysma e shteteve evropiane derisa vendi është i banuar mbi 95% me shqiptarë dhe pjesa e tjetër minoritete.

‘Dardanët’ ndeshjen e parë ndërkombëtare e zhvilluan më 5 mars të vitit 2014 ndaj Haiti që përfundoi pa gola në Mitrovicë.

Dy vite më vonë, Federata e Futbollit të Kosovës u bë anëtare e UEFA-s dhe anëtari i 210 i FIFA-s. Kjo ishte hera e parë që ‘Dardanët’ luajnë në kualifikimet për Kupën e Botës.

Përfaqësuesja jonë nuk u kualifikua në Kampionatin Botëror që u mbajt në Rusi, por që treguan se kanë shumë lojtarë të talentuar dhe premtues, shkruan So Foot.

“Ne jemi skuadra më e re në botë. Ne kemi lojtarë 16-vjeçar në ekip. Ne na duhet vetëm kohë”, kishte thënë Albert Bunjaku në vitin 2016.

Tri vite më vonë, fjalët e tij po vërtetohen. Ai nuk është më trajner i Kosovës, por që vendi ynë është dy ndeshje larg që të kualifikohet për në Euro 2020.

Kosova do të përballet me Republikën e Çekisë sonte nga ora 20:45 në Plzen, gjersa e pret Anglinë më 17 nëntor në stadiumin Fadil Vokrri.

Në rast se nuk arrijmë të kualifikohemi, atëherë do të kemi shansin nga Liga e Kombeve, ku kemi takimin me Maqedoninë e Veriut.

Kosova e mposhti në shtator Çekinë në Prishtinë me rezultat 2-1, tri ditë më pas kanë humbur nga Anglia 5-3 në udhëtim, por paraqitja e tyre ishte brilante.

Dardanët kishin mungesa në atë takim si Milot Rashica (Werder Bremen), Arbër Zeneli (Reims), Herolind Shala (Valerenga), Hekuran Kryeziu (Zuirch) dhe Benjamin Kololli nga e njëjta skuadër.

“Kisha pesë lojtarë të lënduar dhe që ishin standard në formacion. Mungesa të mëdha”, kishte thënë Challandes.

Kosova nuk kishte pësuar humbje që nga marsi i vitit 2018 dhe atë ia shkaktoi Anglia që ka një përvojë të madhe, por që Kosova i shënoi tri gola dhe kishte vite që anglezët nuk kishin pranuar kaq gola.

Challandes ka bërë të ditur se loja e skuadrës bazohet në mentalitetin fitues dhe në posedimin e topit.

“Është mentaliteti jonë fitues dhe posedimi i topit. Ne jemi paksa të kujdesshëm në mënyrë se si luajmë dhe duhet ta fitojmë topin nga këmba e kundërshtarit shpejtë”, ka thënë zvicerani.

“Dy lojtarët e Kosovës që po shkëlqejnë në këtë sezon janë Milot Rashica dhe Vedat Muriqi.

Rashica po tregon formë të lartë te Werder Bremeni, ndërsa një gjë të tillë po e bënë edhe Muriqi te Fenerbahce.

Muriqi do të jetë mungesë e madhe për Kosovën shkaku i lëndimit të pësuar te skuadra turke dhe do të mungojë ndaj Çekisë dhe Anglisë.

Në anën tjetër, Arbër Zeneli do të jetë po ashtu një mungesë e madhe për ‘Dardanët’, mirëpo ata do të luajnë me lojtarë tjerë fantastik si Bersant Celina që e mban shumë mirë topin dhe krijon shumë raste për skuadrën.

Challandes ka bërë të ditur se atij nuk i intereson rezultati, por lojtarët duhet ta shijojnë lojën dhe të luajnë mirë.

“Nuk më intereson rezultati. U kam thënë lojtarëve që të luajnë, të luajnë dhe vetëm të luajnë, ta shijojnë ndeshjen. Por, duhet të vrapojmë si të çmendur”, ka thënë strategu i Kosovës.

Lexo po ashtu Blicku zviceran shkruan për Kosovën dhe rastin e saj për të qenë në Euro 2020

Kosova do të ketë shansin tjetër që të kualifikohet në Kampionatin Evropian, në rast se dështon nga kualifikimet për Euro 2020.

Përfaqësuesja jonë fillimisht do të përballet me Maqedoninë  e Veriut në Ligën e Kombeve, e në rast se kalon tutje, atëherë do ta pres fituesin e takimit Gjeorgji – Bjellorusi. /Telegrafi/