Mediat gjermane shkruajnë për krahasimin e Erës me Rihannan

Era Istrefi vazhdon me sukseset e saj jashtë kufijve shqiptar.

Mediat gjermane e kanë cilësuar këngëtaren shqiptare si fenomen i vërtetë në internet, por kanë thënë se krahasimi i saj me Rihannan ka një rrugë të gjatë për t’u bërë realitet.

“Era Istrefi vajza 21-vjeçare kosovare aktualisht është një fenomen i vërtetë në internet. Shpesh atë e krahasojnë me Rihannan. Në të vërtetë Era ka qenë prej kohësh një yll i bukur hip popi në Shqipëri dhe Kosovë, jo më për shkak të suksesit të madh të motrës së saj më të madhe Nora.

Ajo ka nisur karrierën e saj të suksesshme në vendin e vogël, përballë bregut lindor të Italisë, disa vjet më parë se Era dhe kështu i ka hapur rrugën motrës së saj më të re. Tekstet e këngëve të tyre janë pak në anglisht, pak në shqip dhe një krahasim me Rihannan përshtatet në mënyrë të përkryer.

Muzikalisht, megjithatë ka më shumë elektronik dhe zëri i Eras, së paku këtu nuk ka fuqinë e Rihannas. Megjithatë duhet të pranojmë se sikur kënga “Bonbon” të realizohej si një këngë e qetë, këngë vallëzimi, do të ishte një përshtatje e mirë e saj me një grup me Rihannan.

Megjithatë, krahasimet në mes Eras dhe Rihannas kanë një rrugë të gjatë për t’u bërë realitet. Kjo pasi që “BonBon” në tre muaj ka arritur në rreth 30 milionë shikime në Youtube, e Rihanna me “Work” për më pak se një muaj ka arritur në 100 milionë shikime”, është shkrimi dhe krahasimi që ata i kanë bërë yllit shqiptar, e cila sapo ka nënshkruar kontratë me Sony Music për album në tregun ndërkombëtar të muzikës./Telegrafi/.