Mbi 200 korporata perëndimore janë larguar nga tregu rus

Janë mbi 200 korporata të mëdha perëndimore që janë tërhequr ose kanë pezulluar aktivitetin biznisor me Rusinë.

Lista e përpiluar nga Unviversiteti i Yale, tregon se kompanitë më prestigjioze janë larguar nga Rusia, pas sanksioneve të vendosura nga vendet e Perëndimit, si kundërpërgjigje ndaj agresionit ushtarak në Ukrainë.

“200 korporata të mëdha perëndimore janë tërhequr ose kanë pezulluar biznesin me Rusinë. Universiteti i Yales e ka përgatitur këtë listë”, ka njoftuar shefi i Hermitage Capital, Bill Browder, përcjell Telegrafi.

Most importantly, here’s the list of companies that continue to do business with Russia. They need to withdraw as soon as possible. If not, they should be boycotted in the West. Profits over national security is unacceptable pic.twitter.com/7uhVvXtkCI

— Bill Browder (@Billbrowder) March 8, 2022

Browder ka prezantuar edhe listën e kompanive që nuk janë larguar nga Rusia, duke shtuar se këto duhet të bojkotohen nga Perëndimi.

“Këtu është lista e kompanive që vazhdojnë të bëjnë biznes me Rusinë. Duhet të tërhiqen sa më shpejt të jetë e mundur. Nëse jo, ato duhet të bojkotohen në Perëndim. Fitimet mbi sigurinë kombëtare janë të papranueshme”, thekson ai në Twitter.

Lexo po ashtu Largim masiv i kompanive botërore nga tregu rus pas vendosjes së sanksioneve

Qeveria ukrainase u kishte bërë thirrje parë kompanive financiare që të pezullonin funksionimin e tyre në Rusi.

Sanksionet nga Shtetet e Bashkuara të Amerikës, Britania e Madhe, Kanadaja dhe Bashkimi Evropian kanë ndikuar në ekonominë ruse pasi Fitch, S&P dhe Moody’s kanë ulur vlerësimin e kreditor të vendit. /Telegrafi/